OCR:

Библиотека святоотеческой литературы

http://orthlib.ru

совместно с Виктором Лысенко

МЦ\СЪ А=ПРI'ЛIЙ.

ВЪ ПЕ'РВЫЙ ДЕ'НЬ,

ЖИТIЕ` ПРП\ДБНЫЯ МА'ТЕРЕ НА'ШЕЯ МАРI'И _Е=ГV'ПЕТСКIЯ,

спи'санное ст~jь'йшимъ Сwфро'нiемъ, патрiа'рхомъ
I=ер\сли'мскимъ.

Та'йну царе'ву добро` храни'ти, дjьла' же Бж~iя
w\ткрыва'ти и= проповjь'дати сла'вно: {Товi'т. в~_i, ст.
з~.} та'кw рече` Рафаи'лъ А='гг~лъ къ Тwвi'ту по
пресла'вномъ прозрjь'нiи w=слjьпле'нныхъ _е=гw` _о=че'съ.
И='бо цр\скiя не храни'ти та'йны, боя'зненно _е='сть и=
па'губно: а= _е='же молча'ти дjьла` Бж~iя пресла'вная,
ве'лiя _е='сть души` тщета`. Тjь'мже и= а='зъ (гл~етъ
Сwфро'нiй ст~ы'й) стра'хомъ w=держи'мь, Бж\ств_енная въ
молча'нiи сокры'ти, воспомина'я прети'мую (въ _Е=v\глiи)
бjьду` лjьни'вому рабу`, и='же прiе'мь w\т Гд\са тала'нтъ въ
зе'млю закопа`, и= да'нный дjь'ланiя ра'ди сокры` не
дjь'лая{Матf. к~_е, ст. и~_i и= к~_е.}, по'вjьсть ст~у'ю до
мене` доше'дшую ника'коже о_у=молчу`. Но никто'же бу'ди
невjь'рующъ пи'шущему, jа=`же слы'шахъ, ниже` да мни'тъ кто`
дерза'юща мя` неи'стинная писа'ти, сумня'щся w= ве'щи се'й
вели'кой: не бу'ди мнjь` лга'ти на ст~ы'я. А='ще же бу'дутъ
нjь'цыи, и=`же получи'вше сiе` писа'нiе, и= пресла'вному
сему` дjь'лу дивя'щеся неудо'бь восхотя'тъ вjь'ровати, и=
_о='нымъ мл\стивъ да бу'детъ Гд\сь: поне'же тi'и не'мощь
чл~вjь'ческагw помышля'юще _е=стества`, неудw'бна бы'ти
непщу'ютъ, jа=`же w= чл~вjь'цjьхъ пресла^вная гл~ются. Но
о_у=же` подоба'етъ нача'ти по'вjьсть w= ве'щи се'й
преди'вной, бы'вшей въ ро'дjь на'шемъ.

Бы'сть нjь'кiй ста'рецъ во _е=ди'номъ w\т Палестi'нскихъ
монастыре'й, житiя` бл~гонра'вiемъ и= сло'ва бл~горазу'мiемъ
о_у=кра'шенъ, w\т са'мыхъ пеле'нъ во и='ноческихъ
по'двизjьхъ до'брjь наста'вленъ. Зwсi'ма же бjь` и='мя
ста'рцу тому`, (и= да не мни'тъ кто`, jа='кw _о='ный здjь`
бjь` Зwсi'ма _е=ретi'къ, а='ще и= _о=бои'мъ и='мя _е=ди'но
_е='сть: _о='ный бо sлосла'венъ бjь` и= чу'ждь цр~кве, се'й
же правосла'венъ и= пра'веденъ{W= се'мъ зри` на концjь`.})
и=`же вся^ по'двиги по'стническагw житiя` про'йде, и=
вся'кое пра'вило пре'данное w\т соверше'нныхъ и='нокwвъ
сохрани`: вся^ же та^ творя` никогда'же поуче'нiя
Бж\ственныхъ слове'съ пренебреже`, но и= возлега'я, и=
востая`, и= въ рука'хъ и=мjь'я дjь'ланiе, и= пи'щи вкуша'я,
(а='ще досто'итъ и= пи'щею нарещи`, _е=я'же _о='нъ ма'ло
нjь'что вкуша'ше) _е=ди'но дjь'ло и=мjь` немо'лчное, и=
никогда'же престаю'щее, _е='же пjь'ти Бг~у всегда`, и=
поуче'нiе твори'ти Бж~е'ственныхъ слове'съ. W\т са'магw же
младе'нчества вда'нъ бы'вши въ мн\сты'рь, до пяти'десяти
тре'хъ лjь'тъ въ не'мъ до'брjь по'стническими труда'ми
подвиза'ся. Посе'мъ же смуще'нъ бы'сть w\т нjь'кiихъ
помышле'нiй, а='ки бы _о='нъ о_у='же во все'мъ бы'лъ
соверше'нъ, w\т и=ны'хъ наставле'нiя ника'коже тре'буяй,
глаго'ля мы'слiю въ себjь`: _е='сть ли на земли` мона'хъ
по'льзовати мя` могi'й, и='же пока'жетъ ми` _о='бразъ
по'стничества, _е=гw'же а='зъ не содjь'яхъ; w=бря'щется ли
въ пусты'ни человjь'къ, превосходя'щъ дjьла` моя`; Си'це же
помышля'ющу ста'рцу, jа=ви'ся А='гг~лъ, и= рече`: _w
Зwсi'мо! до'брjь, jа='коже бjь` мо'щно человjь'ку,
подвиза'лся _е=си`, до'брjь по'стническое тече'нiе проше'лъ
_е=си`, _о=ба'че никто'же _е='сть въ человjь'цjьхъ, и='же бы
себе` соверше'нна бы'ти показа'лъ. бо'лiй _е='сть по'двигъ
предлежа'щiй w\т мимоше'дшагw о_у=же`, _е=гw'же ты` не
вjь'си: да позна'еши о_у='бw, коли'кw _е='сть ко спасе'нiю
и=ны'хъ путе'й, и=зы'ди w\т земли` твоея`. jа='коже
А=враа'мъ _о='ный въ патрiа'рсjьхъ наро'читый,{Быт. в~_i,
ст. а~.} и= и=ди` въ мн\сты'рь су'щiй при I=_орда'нjь
рjьцjь`. {Мн\сты'рь при I=_орда'нjь, и= чи'нъ _о='нагw.}
А='бiе о_у='бw ста'рецъ послjь'дуя глаго'лющему, и=зы'де
и=з\ъ монастыря`, въ не'мже w\т младе'нчества и='ночествова,
и= дости'гъ I=_орда'на, наста'вленъ бы'сть w\т зову'щагw во
_о='ный мн\сты'рь, въ не'мже Бг~ъ бы'ти _е=му` повелjь`:
толкну'въ же руко'ю въ дв_е'ри мн\сты'рскiя, w=брjь'те
мона'ха дв_е'ри храня'щаго, и= тому` пе'рвjье w= себjь`
рече`: _о='нъ же возвjьсти` и=гу'мену, и='же _е=го` прiе'мь,
и= _о='бразомъ мона'ха о_у=зрjь'въ, сотво'ршаго и='ноческое
_о=бы'чное поклоне'нiе и= мл~тву, вопроси` _е=го`: w\тку'ду
_е=си`, бра'те; и= чесw` ра'ди къ ни'щымъ на'мъ ста'рц_емъ
прише'лъ _е=си`; Зwсi'ма же w\твjьща`: _е='же w\тку'ду
прiидо'хъ, нjь'сть. сiе` ну'жно рещи`, по'льзы же ра'ди, _w
_о='ч~е, прiидо'хъ: слы'шахъ бо w= ва'съ вели^кая и=
достохва^льная, могу^щая ду'шу присво'ити Бг~у. Рече' же
_е=му` и=гу'менъ: Бг~ъ _е=ди'нъ, бра'те, и=сцjьля'яй души`
не'мощь, то'й тебе` и= на'съ да научи'тъ свои'мъ
Бж~е'ств_еннымъ хотjь'нiямъ, и= наста'витъ вся^ твори'ти
пол_е'зная: человjь'къ бо человjь'ка по'льзовати не мо'жетъ,
а='ще не кi'йждо внима'етъ себjь` всегда`, и= бо'дрствуя
ду'хомъ дjь'лаетъ поле'зное, Бг~а и=мы'й съ ни'мъ ку'пнw
дjь'лающа. Но поне'же любо'вь Хр\сто'ва, _е='же ви'дjьти
на'съ о_у=бо'гихъ ста'рц_евъ, тебе` подви'же, пребыва'й съ
на'ми, а='ще сегw` ра'ди прише'лъ _е=си`: и= всjь'хъ на'съ
напита'етъ блг\дтiю Ст~а'гw Дх~а Па'стырь до'брый, да'вый
ду'шу свою` и=збавле'нiе за на'съ. Сiя^ ре'кшу и=гу'мену къ
Зwсi'мjь, поклони'ся _о='нъ, и= и=спроси'въ мл~тву и=
бл~гослове'нiе, и= ре'къ а=ми'нь, пребы'сть въ мн\стырjь`
то'мъ. Ви'дjь же та'мw ста'рц_евъ, дjья'нiемъ до'брыхъ
дjь'лъ и= бг~омы'слiемъ сiя'ющихъ, ду'хомъ горя'щихъ,
Гд\севи рабо'тающихъ. пjь'нiе бо и='хъ бjь` непреста'нное,
стоя'нiе всено'щное, въ рука'хъ при'снw дjь'ланiе, и=
_псалмы` во о_у=стjь'хъ и='хъ: словесе' же пра'здна не бjь`
въ ни'хъ, промы'шл_енiя w= стяжа'нiи прибы'ткwвъ вре'менныхъ
и= печа^ли жит_е'йскiя ниже` и=менова'нiемъ въ ни'хъ
познава'ема бя'ху, но _е=ди'но бjь` то'чiю и= пе'рвое и=
послjь'дствующее съ поспjьше'нiемъ w= всjь'хъ тща'нiе,
_е='же и=мjь'ти себе` ме'ртвыхъ тjь'ломъ. Пи'щу же и=мjь'яху
неwскудjьва'ющую словеса` Бж~iя: пита'ху же и= тjь'ло
хлjь'бомъ и= водо'ю, jа='коже коему'ждо бjь` къ Бж~iей
любви` разжже'нiе. Сiя^ ви'дjьвъ Зwсi'ма, по'льзовашеся
sjьлw`, простира'яся на предлежа'щiй по'двигъ. Дн_е'мъ же
мнw'гимъ мимоше'дшымъ, прибли'жися вре'мя ст~а'гw вели'кагw
поста`, врата' же мн\сты'рская затворе'на бя'ху всегда`, и=
никогда'же w\тверза'хуся, ра'звjь то'чiю _е=гда` кто` w\т
ни'хъ и=зше'лъ бы посыла'емый _о='бщiя ра'ди потре'бы:
пу'сто бо бjь` мjь'сто, и= не то'чiю и=ны^мъ невходи'мо, но
и= незна'емо мiря'нами. Бjь' же тако'въ въ мн\стырjь` то'мъ
чи'нъ, _е=гw'же ра'ди Бг~ъ и= Зwсi'му та'мw приведе`: въ
пе'рвую недjь'лю поста` творя'ше пресвv'теръ ст~у'ю
лiтургi'ю, и= вси` прича'стницы быва'ху пречи'стагw Тjь'ла
и= кро'ве Хр\ста` Бг~а на'шегw, и= ма'лw w\т бра'шна
по'стническагw вкуша'ху: пото'мъ собира'хуся въ цр~ковь, и=
сотвори'вше мл~тву прилjь'жну, и= колjьнопреклон_е'нiя
довw'льная, лобза'ху другъдру'га ста'рцы, и= кi'йждо
и=гу'мена, съ поклоне'нiемъ прося` w= благослове'нiи и=
моле'нiи на предлежа'щiй по'двигъ поспjьшеству'ющемъ и=
спутьше'ствующемъ. си'мъ же бы'вшымъ врата` монасты'рская
w\тверза'ху, и= пою'ще согла'снw: Гд\сь просвjьще'нiе мое`
и= Сп~си'тель мо'й, когw` о_у=бою'ся; Гд\сь защи'титель
живота` моегw`, w\т когw` о_у=страшу'ся;{_Псал. к~s, ст.
а~.} и= про'чее _псалма` тогw` докончава'юще, и=схожда'ху
вси` въ пусты'ню, _е=ди'наго и=ли` два` бра'та храни'теля
монастырю` w=ста'вльше, не да храня'тъ вну'трь су'щая
и=мjь^нiя, не бjь' бо въ не'мъ что` татьми` крадо'мое: но да
це'рковь без\ъ служе'нiя Бж~е'ственнагw не w=ста'нется, и=
прехожда'ху рjьку` I=_орда'нъ. Кi'йждо же ноша'ше себjь`
пи'щу, jа='коже можа'ше и= хотя'ше, проти'ву потре'бы
тjьле'сныя о_у=мjь'ренну, _о='въ ма'лw хлjь'ба, _о='въ же
смw'квы, и='нъ фi'нiки, другi'й же со'чиво моче'ное водо'ю,
а= и='нъ ничто'же. то'чiю тjь'ло свое`, и= ру'бы, и='миже
w=дjь'янъ бя'ше: пита'шеся же, _е=гда` _е=стество` тjь'ла
принужда'ше, sе'лiями расту'щими въ пусты'ни. Та'кw
I=_орда'нъ преше'дше, разлуча'хуся дале'че w= себе`, и= не
вjь'дяше кi'йждо другъдру'га, ка'кw пости'тся, и=ли` ка'кw
подвиза'ется: а='ще ли же случа'шеся о_у=зрjь'ти другъдру'га
своего` къ нему` и=ду'ща, а='бiе о_у=клоня'шеся на и='ну
страну`, и= _е=ди'нъ живя'ше Бг~у поя` всегда`, и= sjьлw`
ма'лw во вре'мя о_у=рече'нное вкуша'я пи'щи. Си'це о_у='бw
ве'сь по'стъ скончава'юще, возвраща'хуся въ мн\сты'рь, въ
недjь'лю, jа='же _е='сть пре'жде воскр\снiя Хр\сто'ва,
_е=гw'же предпра'зднство тогда` съ цвjьтоно'сiемъ цр~ковь
пра'здновати прiя'ла _е='сть: возвраща'хуся же кi'йждо
и=мjь'я труда` своегw` свидjь'теля со'вjьсть свою`,
свjь'дущую что` содjь'ла, и= никто'же w\тню'дъ вопроша'ше
друга'го, ка'кw и= ко'имъ _о='бразомъ труда` по'двигъ
соверши`: тако'въ бо бjь` о_у=ста'въ мн\стыря` тогw`. Тогда`
о_у='бw и= Зwсi'ма по _о=бы'чаю мн\сты'рскому пре'йде
I=_орда'нъ, ма'лw нjь'что w\т пи'щи нося` тре'бованiя ра'ди
тjьле'снагw, и= _о=де'жду, _е='юже w=дjь'янъ бя'ше: пра'вило
же свое` моли'твенное соверша'ше сквозjь` пусты'ню ходя`, и=
во вре'мя пи'щи, по ну'ждjь _е=сте'ственной _о=па'снw
творя'ше: сна' же ма'лw и=мjь'яше, въ нощи` на земли`
воскло'нься и= сjь'дши, нjь'коликw почива'я, и=дjь'же
нощно'е вре'мя _е=го` пости'же: sjьлw' же ра'нw па'ки
востая`, свое` тече'нiе творя'ше. вожделjь' же вни'ти во
вну'треннюю пусты'ню, надjь'яся w=брjьсти` нjь'коего w\т
_о=т_е'цъ та'мw подвиза'ющагося, и='же бы мо'глъ по'льзовати
_е=го`, и= приложи'ся _е=му` жела'нiе къ жела'нiю: ше'дъ же
два'десять дне'й,{И=нi'и пи'шутъ _о='смь дне'й.} ста` ма'лw
w\т пути`, и= w=брати'вся на восто'къ, поя'ше ча'съ шесты'й,
творя` _о=бы'чныя моли^твы: престая'ше бо ма'лw w\т
путеше'ствiя во вре'мя пра'вила своегw`, коегw'ждо часа`
поя` и= кла'няяся. _Е=гда' же стоя'ше поя`, о_у=зрjь` w\т
десны'я страны` стjь'нь а='ки человjь'ческагw тjьлесе`,
и=спе'рва о_у='бw о_у=жасе'ся, мня` зрjь'ти привидjь'нiе
бjьсо'вское, и= тре'петенъ бы'въ, зна'менася зна'менiемъ
кр\стнымъ, и= стра'хъ w\тложивъ, о_у='же скончава'я свою`
моли'тву, w=брати'ся _о=чеса'ми къ полу'дню, и= ви'дjь
нjь'коего и=ду'ща на'га тjь'ломъ, и= че'рна w\т со'лнечнагw
w=пале'нiя, власы` и=му'ща на главjь` бjь'лы а='ки волну`,
и= кра'тки jа='кw то'чiю до вы'и досяза'ющыя. Сiе` Зwсi'ма
ви'дjьвъ, нача` тещи` на страну` _о='ную, на не'йже то`
ви'дяше, ра'дуяся ра'достiю вели'кою: не ви'дjь бо въ ты'я
дни` человjь'ческагw видjь'нiя, ниже` и=на'гw ко'егw
живо'тнагw. {Ка'кw w=брjь'теся прп\дбнымъ Зwсi'мою въ
пусты'ни.} _Е=гда' же то` видjь'нiе Зwсi'му и=здале'ча
гряду'щаго о_у=зрjь`, нача` тещи` и= бjьжа'ти въ
глубоча'йшую пусты'ню: Зwсi'ма же jа='кw забы` свою`
ста'рость и= тру'дъ пу'тный, бы'стрw теча'ше, хотя`
пости'гнути бjьжа'щее, се'й о_у='бw гоня'ше, а= _о='ное
бjьжа'ше, бы'сть же тече'нiе Зwсi'мино скорjь'йшее па'че
тогw` бjьжа'щагw. _Е=гда' же прибли'жися, jа='кw мощи`
о_у=же` и= гла'съ слы'шати, нача` вопи'ти Зwсi'ма со
слеза'ми, глаго'ля: почто` w\т мене` бjьжи'ши ста'рца
грjь'шнагw, ра'бе и='стиннагw Бг~а, _е=гw'же ра'ди въ
пусты'ни се'й живе'ши; пожди` мене` недосто'йнагw и=
немощна'гw, пожди` наде'жды ра'ди воздая'нiя за твоя`
труды`: ста'ни, и= пода'ждь ми` ста'рцу моли'тву твою` и=
бл~гослове'нiе ра'ди Бг~а невозгнуша'вшагwся никогw'же. Сiя^
Зwсi'мjь со слеза'ми глаго'лющу, бы'ша бли'зъ себе`, теку'ще
къ мjь'сту нjь'коему, и=дjь'же а='кибы пото'къ су'хъ
воwбража'шеся. _Е=гда' же прибjьго'ша на то` мjь'сто,
бjьжа'щее сни'де на другу'ю страну`: Зwсi'ма же
о_у=тру'ждся, и= ктому` тещи` не могi'й, ста` на се'й
странjь` пото'чнагw воwбраже'нiя, и= приложи` къ слеза'мъ
сле'зы, и= къ во'плю во'пль, jа='кw па'че ближа'йшихъ
рыда'нiй слы'шатися и=`мъ. Тогда` _о='ное бjьжа'щее тjь'ло
гла'съ тако'въ и=спусти`: а='вво Зwсi'мо, прости' мя Гд\са
ра'ди, jа='кw не могу` w=брати'вшися jа=ви'тися тебjь`:
жена' бо _е='смь на'га, jа='коже ви'диши, и= сту'дъ
тjьле'сный непокрове'нъ и=му'щая. но а='ще хо'щеши мнjь`
женjь` грjь'шнjьй моли'тву твою` и= бл~гослове'нiе пода'ти,
пове'рзи ми` нjь'что w\т _о=де'жды твоея`, да покры'ю
наготу` мою`, и= w=бра'щшися къ тебjь` мл~тву w\т тебе`
прiиму`. Тогда` тре'петъ и= стра'хъ ве'лiй, о_у='жасъ же
о_у=ма` w=б\ъя` Зwсi'му, jа='кw о_у=слы'ша и='менемъ себе`
зово'ма, _е=го'же никогда'же та` ви'дjь, и= w= не'мже
никогда'же слы'ша, и= рече` въ себjь`: а='ще не бы` сiя`
прозорли'ва была`, не бы` и='менемъ звала` мене`. и=
сотвори` вско'рjь рече'нное _е=му`, сне'мъ съ себе`
_о=де'жду ве'тху же и= раздра'нну, ю='же ноша'ше, ве'рже къ
не'й, w\тврати'вся лице'мъ w\т нея`. _О=на' же взе'мши,
покры` ча'сть тjь'ла своегw`, ю='же досто'яше па'че и=ны'хъ
часте'й покры'ти, jа='коже бjь` мо'щно, препоя'савши, и=
w=брати'вшися къ Зwсi'мjь, рече` къ нему`: почто` тебjь`
и=зво'лися, а='вво Зwсi'мо, грjь'шную жену` ви'дjьти; что'
ли тре'буя о_у= мене` слы'шати, и=ли` чему` научи'тися,
толи'кагw труда` не w=блjьни'лся _е=си` под\ъя'ти; _о='нъ же
на зе'млю пове'ргся, прося'ше прiя'ти бл~гослове'нiе w\т
нея`. та'кожде и= _о=на` пове'рже себе`, и= лежа'ша _о='ба
на земли`, _е=ди'нъ w\т друга'гw бл~гослове'нiя прося'щи, и=
ничто'же бjь` слы'шати w\т _о=бои'хъ глаго'лемо, кромjь`,
бл~гослови`. По мно'зjьмъ же часjь` рече` жена` къ Зwсi'мjь:
а='вво Зwсi'мо, тебjь` подоба'етъ бл~гослови'ти и= моли'тву
сотвори'ти, ты' бо пресвv'терства са'номъ почте'нъ _е=си`,
и= w\т мно'гихъ лjь'тъ ст~о'му _о=лтарю` предстоя`,
Бж~е'ственныхъ Та^инъ да'ры Гд\су прино'сиши. Сiя^ словеса`
въ бо'льшiй стра'хъ Зwсi'му подвиго'ша, и= тре'петенъ бы'въ
ста'рецъ, слеза'ми w=блива'шеся и= стеня'ше, глаго'ла же къ
не'й претружде'ннымъ и= и=знемога'ющимъ w\тдыха'нiемъ: _w
мт~и дх~о'вная! ты` Бг~у прибли'жилася _е=си`, и= мно'жайшею
ча'стiю о_у=мертви'лася _е=си`: jа=вля'етъ тя` бо'льшее
па'че и=ны'хъ Бж~iе да'нное тебjь` дарова'нiе, jа='кw
и='менемъ мя` зове'ши, и= пресвv'тера нарекла` _е=си`,
_е=го'же никогда'же ви'дjьла _е=си`: тjь'мже сама` па'че
благослови` гд\са ра'ди, и= пода'ждь моли'тву тре'бующему
w\т твоегw` соверше'нiя. Посла'бивши о_у='бw _о=на`
прилjьжа'нiю ста'рчю, рече`: бл~гослове'нъ Бг~ъ хоТя'й
спасе'нiя душа'мъ человjь'ческимъ. Зwсi'мjь же ре'кшу,
а=ми'нь, воста'ша _о='ба w\т земли`. _О=на' же рече` къ
ста'рцу: чесw` ра'ди ко мнjь` грjь'шницjь прише'лъ _е=си`,
_w человjь'че Бж~iй; чесw` ра'ди восхотjь'лъ _е=си` ви'дjьти
жену` нагу'ю, ни _е=ди'ныя добродjь'тели и=мjь'ющую;
_о=ба'че бл~года'ть Ст~а'гw Дх~а наста'вила тя`, да нjь'кое
послуже'нiе соверши'ши тjь'лу моему' бо вре'мя потре'бы.
Рцы' же ми` _о='ч~е, ка'кw Хрiстiа'не живу'тъ ны'нjь, ка'кw
же цари`, и= ка'кw ст~ы'я це'ркви; Зwсi'ма же w\твjьща`:
моли'твами ва'шими ст~ы'ми ми'ръ крjь'покъ Бг~ъ дарова'лъ
_е='сть: но прiими` мольбу` недосто'йнагw ста'рца, и=
помоли'ся Гд\са ра'ди w= мi'рjь все'мъ и= w= мнjь`
грjь'шномъ, да не бу'детъ ми` безпло'дно пусты'нное сiе`
хожде'нiе. _о=на' же w\твjьща` къ нему`: тебjь` па'че
досто'итъ, а='вво Зwсi'мо, свяще'нный и=мjь'ющу чи'нъ, за
мене` и= за вся^ моли'тися: на то' бо и= о_у=чине'нъ _е=си`:
_о=ба'че поне'же послуша'нiе твори'ти должны` _е=смы`,
повелjь'нное о_у='бw мнjь` тобо'ю сотворю`. Сiе` ре'кши,
w=брати'ся на восто'къ, и= возве'дши _о='чи горjь`, и=
ру'цjь воздjь'вши, нача` моли'тися ти'хw, и= не слы'шахуся
глаго'лы _е=я`: w\т ни'хже Зwсi'ма ничто'же разумjь`, и=
стоя'ше (jа='коже глаго'ла) тре'петенъ, до'лу зря`, и=
ничто'же вjьща'я. {Въ мл~твjь возвыша'шеся на возду'хъ.}
Кленя'шеся же Бг~омъ свидjь'телемъ, глаго'ля: jа='кw _е=гда`
ме'дляше та` на мл~твjь, воздви'гъ ма'лw _о='чи w\т зрjь'нiя
на зе'млю, о_у=зрjь'хъ ю=` возвы'шену jа='кw на ла'коть
_е=ди'нъ w\т земли`, и= на возду'сjь стоя'щую и= моля'щуюся.
Сiе' же jа='кw ви'дjь Зwсi'ма. стра'хомъ мно'жайшимъ
содержи'мь, пове'рже себе` на зе'млю, слеза'ми w=блива'яся,
и= ничесw'же глаго'ла, то'чiю: Гд\си, поми'луй. На земли' же
лежа` ста'рецъ, смуща'шеся мы'слiю, мня` jа='кw привидjь'нiе
се` и= ду'хъ _е='сть, и='же мл~тву притворя'етъ.
W=брати'вшися же _о=на`, воздви'же ста'рца, и= рече`: почто'
тя, а='вво Зwсi'мо, помышл_е'нiя w= привидjь'нiи смуща'ютъ,
глаго'лющая: jа='кw дх~ъ _е='смь, и= моли'тву притворя'ю;
_е='й, молю' тя, _о='ч~е бл~же'нне, да и=звjь'стенъ бу'деши,
jа='кw жена` _е='смь грjь'шница, но кр~ще'нiемъ ст~ы'мъ
w=граждена`, и= нjь'смь въ привидjь'нiи ду'хъ, но земля`,
пра'хъ, и= пе'пелъ, и= вся'чески пло'ть, ничто'же когда`
дх~о'вное помы'слившая. И= сiе` ре'кши, зна'мена кр\стнымъ
зна'менiемъ чело` свое`, и= _о='чи, и= о_у=стнjь`, и=
пе'рси, глаго'лющи си'це: Бг~ъ (а='вво Зwсi'мо) да
и=зба'витъ на'съ w\т лука'вагw, и= w\т ловле'нiя _е=гw`,
jа='кw мно'га бра'нь _е=гw` на на'съ. Сiя^ слы'шавъ и=
ви'дjьвъ ста'рецъ, паде` пред\ъ нога'ми _е=я`, глаго'ля со
слеза'ми: заклина'ю тя` и='менемъ Гд\са на'шегw I=и~са
Хр\ста`, и='стиннагw Бг~а, ро'ждшагwся w\т Дв~ы, _е=гw'же
ра'ди наготу` сiю` но'сиши, и= _е=гw'же ра'ди пло'ть твою`
та'кw о_у=мертви'ла _е=си`, не скры'й w\т мене` житiя`
твоегw`, но все` повjь'ждь ми`, да вели^чiя Бж~iя jа='вjь
сотвори'ши. Рцы' ми все` Бг~а ра'ди, не похвалы' бо ра'ди
и=зрече'ши, но да и=звjьсти'ши, jа=`же w= тебjь`, мнjь`
грjь'шному и= недосто'йному. Вjь'рую бо Бг~у моему`,
_е=му'же живе'ши, jа='кw сегw` ра'ди наста'вленъ _е='смь въ
пусты'ню сiю`, да твоя^ вся^ jа='вjь Бг~ъ сотвори'тъ:
нjь'сть бо си'лы на'шея проти'витися судьба'мъ Бж~iимъ.
А='ще бо не бы` о_у=го'дно бы'ло хр\сту` Бг~у на'шему, дабы`
ты` о_у=вjь'дана была` и= по'двиги твоя`, и= тебе` не
jа=ви'лъ бы мнjь`, и= мене` на толи'кiй пу'ть не
о_у=крjьпи'лъ бы, никогда'же хотjь'вшаго и=ли` могу'щаго
и=зы'ти и=з\ъ ке'ллiи моея`. Сiя^ и= мнw'жайшая и=зре'кшу
Зwсi'мjь, воздви'гши _е=го` _о=на`, рече` къ нему`:
стыжду'ся (_о='тче, прости` мя`) сту'дъ рещи` тебjь` дjь'лъ
мои'хъ, но поне'же тjь'ло мое` на'го ви'дjьлъ _е=си`,
w=бнажу` ти` и= дjьла` моя`. да позна'еши, коли'ка студа` и=
срамоты` и=спо'лнена _е='сть душа` моя`. не похвале'нiя бо
нjь'коегw ра'ди, jа='коже са'мъ ре'клъ _е=си`, jа=`же w=
мнjь` и=сповjь'мъ тебjь`: w= чесо'мъ бо и='мамъ похвали'тися
сосу'дъ и=збра'нъ дiа'волу бы'вшая. Но а='ще начну`
по'вjьсть, jа='же w= мнjь`, бjьжа'ти и='маши w\т мене`,
jа='коже кто` бjьжи'тъ w\т sмi'я, не терпя` слы'шати
о_у=шесы` безмjь^стная, jа=`же а='зъ недосто'йная содjь'яхъ,
_о=ба'че и=зреку`, не о_у=молча` ничто'же, но молю' тя
пе'рвjье, да не w=скудjь'еши моли'тися за мя`, jа='кw да
w=бря'щу ми'лость въ де'нь су'дный. Ста'рцу же жела'ющу
о_у=вjь'дати житiе` _е=я`, и= неудержи'мw слезя'щу, нача`
_о=на` jа=`же w= себjь` повjьствова'ти си'це:

{Повjьству'етъ житiе` свое` пре'жнее.} А='зъ, _о='ч~е,
рожде'на _е='смь во _Е=гv'птjь, бы'вшей же ми` двуна'десяти
лjь'тъ, и= _е=ще` живы'мъ су'щымъ роди'тел_емъ мои'мъ,
w\тверго'хся любве` и='хъ, и= и=до'хъ во А=ле_ксандрi'ю И=
ка'кw пе'рвое дjь'вство мое` растли'хъ, неудержи'мое же и=
ненасы'тное нача'хъ твори'ти любодjья'нiе, стыжду'ся же и=
помы'слити, не то'чiю гл~ати намно'зjь, _о=ба'че
ну'жднjьйшее скорjь'е и=згл~ю, да о_у=вjь'си неудержа'нiе
пло'ти моея`: седмьна'десять лjь'тъ и= бо'лjье сотвори'хъ въ
наро'дномъ блудодjья'нiи, не ра'ди да'ра и=ли` мзды` ко'ея,
ниже' бо w\т нjь'кiихъ даю'щихъ ми` хотjь'хъ прiя'ти: сiе'
же о_у=мы'слихъ, да мно'жайшихъ прiwбря'щу притека'ти ко
мнjь` ту'не, и= и=сполня'ти плотско'е жела'нiе мое`. Не мни'
же w= мнjь`, jа='кw бога'та бjь'хъ, и= не взима'хъ: въ
нищетjь' бо живя'хъ, и= мно'жицею гладна` и=згр_е'бiя
прядо'хъ, раждеже'нiе же и=мjь'яхъ ненасы'тное, всегда` въ
ти'нjь блу'дной валя'тися: то' бо мнjь'хъ бы'ти и= жи'знь,
_е='же всегда` твори'ти безче'стiе _е=стества`. Та'кw
о_у='бw живу'щи, ви'дjьхъ въ нjь'кое жа'твенное вре'мя
наро'дъ мно'гъ муже'й Лv"вi'анъ и= _Е=гv'птянъ и=ду'щихъ на
мо'ре, вопроси'хъ же тогда` нjь'коего прилучи'вшагося мнjь`:
ка'мw и='дутъ му'жи сi'и со тща'нiемъ; _О='нъ же ми` рече`:
во I=ер\сли'мъ, воздви'женiя ра'ди ч\стна'гw и=
животворя'щагw Кр\ста`, _е='же не по мно'зjьхъ дне'хъ
пра'здноватися бу'детъ. И= реко'хъ къ нему`: по'ймутъ ли
о_у='бw и= мене`, а='ще пойду` съ ни'ми; _О='нъ же рече`:
а='ще и='маши нае'мъ и= бра'шно, никто'же тебjь`
возбрани'тъ. Реко'хъ же къ нему`: вои'стинну, бра'те, ни
на'йма и='мамъ, ни бра'шна, пойду' же и= а='зъ, и= вни'ду во
_е=ди'нъ кора'бль съ ни'ми, и= пита'ти мя` и='мутъ: тjь'ло
бо мое` да'мъ и=`мъ за нае'мъ. Сегw' же ра'ди хотjь'хъ съ
ни'ми и=дти`, (_о='ч~е, прости' мя,) jа='кw да и='мамъ
мно'жайшихъ рачи'телей гото'выхъ къ стра'сти мое'й. Рjь'хъ
ти`, _о='ч~е Зwсi'мо, не ну'ди мене` и=зрещи` сту'дъ мо'й,
о_у=жаса'юся бо, вjь'сть Гд\сь, jа='кw w=скверня'ю и= са'мый
возду'хъ словесы` мои'ми. Зwсi'ма же слеза'ми w=мака'я
зе'млю, w\твjьща` къ не'й: глаго'ли Гд\са ра'ди, _w ма'ти
моя`! глаго'ли, и= не преста'ни w\т поле'зныя ми` по'вjьсти.
_О=на' же къ п_е'рвымъ приложи` сiя^: то'й о_у='бw ю='ноша
о_у=слы'шавши скве'рныхъ мои'хъ слове'съ безсту'дiе,
смjь'хомъ содержи'мь w\ти'де. А='зъ же пове'ргши пря'слицу,
ю='же случи'ся ми` на вре'мя носи'ти, теко'хъ къ мо'рю,
и=дjь'же теку'щихъ зрjь'хъ и= ви'дjьхъ нjь'кiя при мо'ри
стоя'щыя, число'мъ jа='кw де'сять муже'й и=ли` и=
мно'жайшихъ, ю='ныхъ тjьлесы`, и=`же дово'лни мнjь` бы'ти
jа=ви'шася къ по'хоти мое'й. Внидо'ша же и= и=нi'и о_у=же`
пре'жде въ кора'бль: и= по _о=бы'чаю моему` безсту'днw
вскочи'вши къ ни'мъ, пойми'те, реко'хъ, и= мене`, а='може
вы` и='дете: не и='мамъ бо ва'мъ w=брjьсти'ся неуго'дна, но
и= и=ны'я ре'кши скве'рныя глаго'лы, подвиго'хъ всjь'хъ на
смjь'хъ. _О=ни' же безсту'дiе мое` ви'дjьвше, пои'мше мя`
введо'ша въ кора'бль сво'й, и= w\тту'ду нача'хомъ плы'ти. А=
jа=`же w\тсе'лjь бы'ша, ка'кw ти` и=сповjь'мъ, _w человjь'че
Бж~iй! кото'рый я=зы'къ и=зрече'тъ, и=ли` слу'хъ прiи'метъ
бы'вшая sла'я дjьла` моя` на пути` и= въ корабли`; ка'кw и=
не хотя'щихъ а='зъ _о=кая'нная понужда'хъ на грjь'хъ:
нjь'сть бо _о='браза нечисто'тъ и=зрица'емыхъ же и=
неизрица'емыхъ, и='хже тогда` бjь'хъ о_у=чи'тельница: и='ми
мнjь` вjь'ру, _о='ч~е, о_у=жаса'юся, ка'кw понесе` мо'ре
блуже'нiе мое`; ка'кw же не раздви'же земля` о_у='стъ
свои'хъ, и= живу'ю мя` во а='дъ не погрузи`, толи'кw ду'шъ
сjь'тiю сме'ртною о_у=лови'вшую; Но мню`, jа='кw покая'нiя
моегw` Бг~ъ и=ска'ше, не хотя'щъ сме'рти грjь'шника, но
w=жида'ющъ съ долготерпjь'нiемъ w=браще'нiя. Та'кw о_у='бw
и= съ таковы'мъ тща'нiемъ взыдо'хъ во I=ер\сли'мъ, и=
_е=ли'кw дне'й пре'жде пра'здника та'мw пребы'хъ, подw'бная
п_е'рвымъ твори'хъ, па'че же и= гw'ршая: не дово'льна бо
бjь'хъ ю='ношами бы'вшими со мно'ю въ корабли` и= на пути`,
но и= и=ны'я мно'жайшыя, гра'жданы же и= стра^нныя, на ту`
скве'рну собира'хъ. _Е=гда' же пости'же пра'здникъ ст~а'гw
воздви'женiя ч\стна'гw Кр\ста`, а='зъ jа='кw и= пе'рвjье
w=бхожда'хъ ду'шы ю='ныхъ о_у=ловля'ющи. Ви'дjьхъ же sjьлw`
ра'нw всjь'хъ согла'снw стека'ющихся въ це'рковь, и=до'хъ
о_у='бw и= а='зъ, и= теко'хъ съ теку'щими, и= прiидо'хъ съ
ни'ми въ притво'ръ цр~ко'вный: и= _е=гда` приспjь` ча'съ
ст~а'гw воздви'женiя честна'гw Кр\ста` Гд\сня, и= а='зъ
тща'щися вни'ти въ це'рковь съ наро'домъ, тjьсня'хся, но
w\ттjьсня'ема, и= w\трjьва'ема бjь'хъ: о_у=гнjьта'ема же, съ
трудо'мъ мно'гимъ и= ну'ждею прибли'жихся къ две'ремъ цр~кве
и= а='зъ _о=кая'нная. _Е=гда' же на пра'гъ две'рный
возступи'хъ, и=нi'и о_у='бw вси` невозбра'ннw внидо'ша,
мнjь' же Бж\ственная нjь'кая возбрани` си'ла, не попуща'ющи
вни'ти: и= па'ки покуси'хся, но w\тринове'на бjь'хъ, и=
_е=ди'на въ притво'рjь w\тве'ржена стоя'хъ, мнjь'вши же,
jа='кw w\т же'нскiя не'мощи сiе` случа'ется ми`. Па'ки
и=ны'мъ входя'щымъ примjьси'хся и= нужда'хся вни'ти, но
тружда'хся всу'е: и= па'ки бо _е=гда` нога` моя` грjь'шная
пра'гу косну'ся, цр~ковь всjь'хъ прiима'ше никому'же
возбраня'я, мене' же _е=ди'ну _о=кая'нную не прiима'ше: но
jа='кw во'инское мно'жество на сiе` о_у=стро'енное, _е='же
вхо'дъ возбраня'ти, си'це мнjь` внеза'пная нjь'кая
возбраня'ше си'ла, и= па'ки w=брjьто'хся въ притво'рjь.
Си'це же три'жды и= четы'режды пострада'вши, труди'вшися, и=
ничто'же о_у=спjь'вши, и=знемого'хъ, и= ктому` не мого'хъ
примjьша'тися къ входя'щымъ, (бы'вшу и= тjь'лу моему` w\т
ну'жды о_у=гнjьта'ющихъ sjьлw` претружде'ну.) Въ студjь' же
су'щи и= неча'янiи про'чее, w\тступи'хъ, и= ста'хъ въ
нjь'коемъ о_у='глjь притво'ра цр~ко'внагw, и= _е=два`
нjь'когда прiидо'хъ въ чу'вство, ка'я бы'сть вина`
возбраня'ющая мнjь` ви'дjьти животворя'щее дре'во Кр\ста`
Гд\сня: косну'ся бо _о=чес_е'мъ се'рдца моегw` свjь'тъ
ра'зума спаси'тельнагw, за'повjьдь Гд\сня свjь'тлая,
просвjьща'ющая душе'вныя _о='чи, показу'ющи ми`, jа='кw
ти'на дjь'лъ мои'хъ возбраня'етъ ми` церко'вный вхо'дъ:
нача'хъ о_у=`бо пла'катися, и= рыда'ти, и= въ пе'рси би'ти,
воздыха'нiя и=з\ъ глубины` се'рдца и=знося'щи.

{Статiя` въ четверто'къ вели'кагw канw'на _е~-я нд\ли
м~-цы.} Пла'чущися же на мjь'стjь, на не'мже стоя'хъ,
о_у=зрjь'хъ горjь` i=кw'ну Прест~ы'я Бц\ды на стjьнjь`
стоя'щую, и= реко'хъ къ не'й, неw\твра'тнw _о=чесы` и=
о_у=мо'мъ зря'щи: _W Дв~о Вл\дце, ро'ждшая пло'тiю Бг~а
Сло'ва! вjь'мъ вои'стинну, вjь'мъ, jа='кw нjь'сть ти`
достохва'льно, ниже` благопрiя'тно, _е='же зрjь'ти мнjь`
си'це нечи'стjьй и= скве'рнjьй блудни'цjь на честну'ю
i=кw'ну твою` Преч\стыя пр\снодв~ы Мр~i'и, и=му'щiя тjь'ло
и= ду'шу чи'сту и= нескве'рну: пра'ведно же _е='сть мнjь`
блудни'цjь возненави'дjьннjьй и= w=мерзе'ннjьй бы'ти w\т
твоея` дjь'вственныя чистоты`. Но поне'же слы'шахъ, jа='кw
сегw` ра'ди Бг~ъ чл~вjь'къ бы'сть, _е=го'же родила` _е=си`,
да призове'тъ грjь'шники на покая'нiе: помози` мнjь`
_е=ди'нjьй не и=му'щей ни w\т когw'же по'мощи. Повели`, да
и= мнjь` невозбране'нъ бу'детъ въ це'рковь вхо'дъ: и= не
лиши` мене` ви'дjьти честно'е дре'во, на не'мже пло'тiю
пригвозди'ся Бг~ъ рожде'нный w\т тебе`, и='же кро'вь свою`
за мое` и=збавле'нiе даде`. Повели`, _w Вл\дчце! да и= мнjь`
недосто'йной дв_е'ри w\тве'рзутся къ поклоне'нiю
Бж~е'ственнагw Кр\ста`. И= бу'ди ми` ты` пору'чница
достовjь'рнjьйшая къ рожде'нному и=з\ъ тебе`, jа='кw о_у=же`
ктому` тjьлесе` моегw` не и='мамъ w=скверни'ти нико'имже
нечи'стымъ блуже'нiя руга'нiемъ: но _е=гда` дре'во ст~о'е
кр\стное Сн~а твоегw` о_у=зрю`, мi'ра и= jа='же въ мi'рjь
всегw` w\тве'ргуся, и= а='бiе и=зы'ду, а='може ты` сама`,
jа='кw пору'чница моегw` спасе'нiя, наста'виши мя`. Сiя^
ре'кши, и= jа='кw нjь'кое и=звjьще'нiе прiе'мши, вjь'рою
разжже'на, и= наде'ждею на благоутро'бiе Бц\ды
о_у=твержде'на, дви'гнухся w\т _о='нагw мjь'ста, на не'мже
стоя'щи творя'хъ мл~тву, и= ше'дши па'ки ко входя'щымъ въ
цр~ковь примjьси'хся, и= о_у=же` никто'же бjь` w\трjьва'яй
мене`, и= никто'же возбраня'яй бы'ти ми` близ\ъ двере'й,
и='миже въ цр~ковь вхожда'ху. Прiя` о_у='бw мя` стра'хъ и=
о_у='жасъ, и= вся` трепета'хъ и= трясо'хся: та'же дости'гши
двере'й, jа=`же дото'лjь затворе'ны мнjь` бы'ша, без\ъ
труда` внидо'хъ вну'трь цр~кве Ст~а^я Ст~ы'хъ, и= честна'гw
и= животворя'щагw Кр\ста` дре'во ви'дjьти сподо'бихся, и=
ви'дjьхъ та^йны Бж~iя, и= ка'кw гото'въ _е='сть прiима'ти
ка'ющихся: па'дши же на зе'млю, поклони'хся честно'му дре'ву
кре'стному, и= лобыза'хъ _е=` со стра'хомъ, и= и=зыдо'хъ, къ
пору'чницjь мое'й прiити` тща'щися. Бы'вши же на _о='номъ
мjь'стjь, и=дjь'же бjь` пору'чницы моея` рукописа'нiе,
i=кw'на _е=я` ст~а'я, и= на кwлjь'на поклони'вшися пред\ъ
пр\снодв~ою Бц\дею, сiя^ и=зреко'хъ глаго'лы: Ты`, _w
пр\снобл~же'нная Дв~о Вл\дчце Бц\де! твое` на мнjь`
показу'еши преблаго'е чл~вjьколю'бiе. Ты` недосто'йныя моея`
не гнуша'ешися мл~твы: ви'дjьхъ бо сла'ву, ю='же впра'вду
недосто'йно бjь` мнjь` зрjь'ти блу'дной. Сла'ва Бг~у
прiе'млющему тебе` ра'ди покая'нiе грjь'шныхъ. Что'же
и='мамъ бо'лjье грjь'шная помы'слити и=ли` рещи`; вре'мя
_е='сть о_у=же`, Вл\дчце, и=спо'лнити за поруче'нiемъ
твои'мъ _е='же w=бjьща'хъ: ны'нjь, а='може во'лиши, наста'ви
мя`, ны'нjь бу'ди ми` про'чее спасе'нiя о_у=чи'тельница,
руково'дствующи на пу'ть покая'нiя. Сiя^ глаго'ля, слы'шахъ
гла'съ и=здале'ча вопiю'щъ: а='ще I=_орда'нъ пре'йдеши,
до'бръ поко'й w=бря'щеши. А='зъ же гла'съ то'й
о_у=слы'шавши, и= jа='кw мене` ра'ди бы'сть, вjь'ровавши, со
слеза'ми воззва'хъ, на i=кw'ну Бц\ды зря`: Вл\дчце, Вл\дчце
Бц\де, не w=ста'ви мене`! И= си'це воззва'вши и=зыдо'хъ
и=з\ъ притво'ра церко'внагw, и= скороте'чнw ше'ствовахъ.
И=ду'щую же мя` ви'дjь нjь'кто, и= даде' ми три` ца'ты,
ре'кши: прiими` сiя`, _w ма'ти! а='зъ же прiе'мши купи'хъ за
ни'хъ три` хлjь'ба. вопроси'хъ же хлjьбопрода'вца: кото'рый
пу'ть _е='сть ко I=_орда'ну; о_у=вjь'давши же врата`
гра'дская су'щая ко _о='ной странjь`, и=зыдо'хъ, теку'щи и=
слезя'щи. Вопроша'ющи же пути` w\т срjьта'ющихъ, де'нь то'й
въ пути` сконча'хъ, бjь' же къ тре'тiему часу` дне`, _е=гда`
честны'й ст~ы'й Кр\стъ Хр\сто'въ ви'дjьти сподо'бихся, и=
со'лнцу о_у=же` къ за'паду прекло'ншуся, достиго'хъ цр~кве
ст~а'гw I=wа'нна кр\сти'теля, близ\ъ I=_орда'на су'щiя, въ
не'йже поклони'вшися, снидо'хъ на I=_орда'нъ а='бiе, и= w\т
тоя` ст~ы'я воды` ру'цjь и= лице` о_у=мы'хъ, и= ше'дши па'ки
въ цр~ковь причасти'хся въ не'й преч\стыхъ и= животворя'щихъ
Та^инъ Хр\сто'выхъ, и= посе'мъ _е=ди'нагw w\т хлjь'бwвъ
полови'ну снjьдо'хъ, и= w\т воды` I=_орда'нскiя пи'хъ, на
земли' же но'щiю почи'хъ. И= воу'трiе ра'нw w=брjь'тши та'мw
корабле'цъ ма'лъ, превезо'хся на _о='ну страну` I=_орда'на,
и= па'ки помоли'хся наста'вницjь мое'й Бц\дjь, да наста'витъ
мя`, и=дjь'же _е='й само'й _е='сть благоуго'дно. Прiидо'хъ
о_у='бw въ пусты'ню сiю`, и= w\тто'лjь да'же и= до дне'сь
о_у=дали'хся бjь'гая, и= здjь` водвори'хся, ча'я Бг~а
спаса'ющагw мя` w\т пренемога'нiя души` и= бу'ри,
w=браща'ющуюся къ нему`. Зwсi'ма же рече` къ не'й: коли'кw
лjь'тъ _е='сть, _w госпоже` моя`, w\тне'лjьже въ се'й
водворя'ешися пусты'ни; _о=на' же w\твjьща`: четы'редесять
и= се'дмь лjь'тъ разумjь'ю бы'ти, w\тне'лjьже и=зыдо'хъ
и=з\ъ ст~а'гw гра'да. Рече' же Зwсi'ма: и= что` w=брjьта'еши
на пи'щу госпоже` моя`; _о=на' же рече`: полтретья` хлjь'ба
принесо'хъ преше'дши I=_орда'нъ, и=`же пома'лjь и=зсо'хше
w=каменjь'ша, и=`хже пома'лу чрез\ъ лjь'та нjь'кая вкуша'ющи
сконча'хъ. Рече' же Зwсi'ма: ка'кw же безбjь'днw пребыла`
_е=си` толи'кое вре'мене разстоя'нiе, нико'емуже сопроти'вну
премjьне'нiю смути'вшу тя`; w\твjьща` _о=на`: w= рjь'чи мя`
ны'нjь вопроси'лъ _е=си`, а='вво Зwсi'мо, w= не'йже
о_у=жаса'юся глаго'лати: а='ще бо воспомяну` толи^кiя
бjьды`, jа=`же претерпjь'хъ, и= помышл_е'нiя лю^тая
смути'вшая мя`, бою'ся, да не ка'кw па'ки w\т ни'хъ
w=б\ъя'та бу'ду. Рече' же къ не'й Зwсi'ма: ничто'же
w=ста'ви, _w госпоже` моя`, _е='же не возвjьсти'ти ми`,
_е=ди'ною бо w= се'мъ вопроси'хъ тя`, да вся^ подро'бну
и=з\ъяви'ши ми`. _о=на' же рече` къ нему`: вjь'руй ми`,
а='вво Зwсi'мо, седмьна'десять лjь'тъ пребы'хъ въ пусты'ни
се'й, jа='кw со sвjьрьми` лю'тыми, съ мои'ми безу'мными
похотьми` борю'щися: _е=гда' бо пи'щи вкуша'ти начина'хъ,
жела'хъ мя'съ и= ры'бъ, jа=`же ми` бя'ху во _Е=гv'птjь.
Жела'хъ же и= питiя` вiна` вожделjь'ннагw мнjь`: мно'гw бо
вiна` пiя'хъ въ мi'рjь су'щи, здjь' же и= воды` w\тню'дъ не
и=мjь'ющи, лю'тjь жа'ждею пали'ма бjь'хъ, и= бjь'днjь
терпя'хъ: быва'ше же ми` и= жела'нiе блу'дныхъ пjь'сней,
sjьлw` смуща'ющее и= понужда'ющее мя` пjь'ти пjь^сни
бjьсw'вскiя, и=`мже навыко'хъ. а='бiе же слезя'щи, и= въ
пе'рси бiю'щися, воспомина'хъ _о=бjь'ты, jа=`же сотвори'хъ
и=сходя'щи, въ пусты'ню сiю`. Быва'хъ же по'мысломъ пред\ъ
i=кw'ною Преч\стыя Бц\ды спору'чницы моея`, и= пред\ъ не'ю
пла'кахся, моля'щи w\тгна'ти w\т мене` помышл_е'нiя, си'це
_о=кая'нную мою` ду'шу смуща^ющая: _е=гда' же дово'льнw
пла'кахся, и= въ пе'рси о_у=се'рднw бiя'хъ, тогда` свjь'тъ
ви'дjьхъ w\твсю'ду мя` w=сiя'вшiй, и= тишина` w\т
треволне'нiя и=з\ъима'ющая быва'ше ми`. По'мыслы же на
блу'дъ па'ки порjьва'ющыя мя`, ка'кw ти` и=сповjь'мъ,
а='вво, прости`: _о='гнь бо вну'трь се'рдца моегw`
стра'стнагw возгара'шеся, и= всю` w\твсю'ду паля'ше мя`, и=
къ жела'нiю смjьше'нiя понужда'ше. _Е=гда' же таково'е
помышле'нiе прихожда'ше ми`, поверга'хъ мя` на зе'млю, и=
слеза'ми w=блива'хся, помышля'ющи са'мую мнjь` предстоя'ти
Спору'чницу мою`, преступле'нiе мое` судя'щую, и= муче'нiе
за преступле'нiе гро'знw показу'ющую, и= не востава'хъ w\т
поверже'нiя мене` на зе'млю де'нь и= но'щь, до'ндеже
сла'дкiй _о='ный свjь'тъ w=сiява'ше мя`, и= по'мыслы
смуща'ющыя мя` w\тгоня'ше: _о='чи же мои` къ спору'чницjь
мое'й возводя'хъ, непреста'ннw прося'щи по'мощи мнjь`
бjь'дствующей въ пусты'нной пучи'нjь, jа='коже и= вои'стинну
помо'щницу ту` и=мjь'хъ и= къ покая'нiю поспjь'шницу. И=
та'кw сконча'хъ седмьна'десять лjь'тъ, безчи'сленныя бjьды^
пострада'вши. w\тто'лjь же да'же до дне'сь помо'щница моя`
Бц\да во все'мъ, и= на вся^ руково'дствуетъ мя`. Рече' же
Зwсi'ма къ не'й: не потре'бовала ли _е=си` про'чее пи'щи
и=ли` w=дjья'нiя; _О=на' же w\твjьща`: хлjь'бы о_у='бw
_о='ныя сконча'вши въ седмина'десяти лjь'тjьхъ, пита'хся
sе'лiемъ w=брjьта'ющимся въ пусты'ни се'й: w=дjья'нiе же,
_е='же и=мjь'хъ I=_орда'нъ преше'дши, w= ве'тхости и=стлjь`,
и= мно'гую w\т зимы` и= w\т зно'я ну'жду претерпjь'хъ,
зно'емъ w=паля'ема и= зимо'ю w=мерза'ема и= трепе'щуща,
jа='коже и= мно'жицею па'дши на земли`, а='ки безду'шна,
w\тню'дъ недви'жима лежа'хъ, мно'гими и= разли'чными
бjьда'ми, и= и=скуше'нiями безмjь'рными бори'ма. W\тто'лjь
же и= до дне'сь си'ла Бж~iя много_обра'зная грjь'шную мою`
ду'шу и= тjь'лу смире'нное соблюде`: помышля'ющи бо то'чiю,
w\т каковы'хъ мя` sw'лъ и=зба'ви гд\сь, пи'щу неистощи'мую
стяжа'хъ наде'жду спасе'нiя моегw`: пита'юся бо и=
покрыва'юся глаго'ломъ Бж~iимъ, содержа'щимъ вся'ч_еская:
и='бо не w= хлjь'бjь _е=ди'номъ жи'въ бу'детъ
человjь'къ.{Матf. д~, ст. д~.} И= _е=ли'цы не и=мjь'яху
покро'ва, въ ка'менiе w=блеко'шася, _е=ли'кw и='хъ
совлече'ся грjьхо'внагw w=дjья'нiя.{I='wв. к~д, ст. и~.}
Слы'шавъ же Зwсi'ма, jа='кw и= словеса` w\т Писа'нiя
воспомина'етъ, w\т Мwv"се'а же и= Прорw'къ и= w\т кни'гъ
_псало'мскихъ, рече` къ не'й: _псалмw'мъ же и= и=ны'мъ
кни'гамъ, _w госпоже`, о_у=чи'лася ли _е=си`; _О=на' же
слы'шавши сiе`, w=скла'бися, и= рече` къ нему`: вjь'руй,
человjь'че, не ви'дjьхъ и=на'гw человjь'ка, w\тне'лjьже
I=_орда'нъ преидо'хъ, кромjь` твоегw` лица` дне'сь, и= ниже`
sвjь'ря, ни и=на'гw живо'тнагw ви'дjьхъ: кни'гамъ же
никогда'же о_у=чи'хся, ни и=на'гw чту'щагw и=ли` пою'щагw
слы'шахъ, но сло'во Бж~iе жи'во и= дjь'йственно о_у='читъ
ра'зуму человjь'ка. да'же до здjь` коне'цъ су'щiя w= мнjь`
по'вjьсти. Ны'нjь о_у='бw заклина'ю тя` воплоще'нiемъ сло'ва
Бж~iя, моли'тися за мя` блудни'цу. Сiя^ _е=гда` _о=на`
и=зрече`, и= сло'во сконча`, о_у=стреми'ся ста'рецъ
поклони'тися, и= со слеза'ми возопи`: благослове'нъ Бг~ъ
творя'й вели^кая и= стра^шная, сла^вная же и= ди^вная
неизреч_е'нная, и=`мже нjь'сть числа`. благослове'нъ Бг~ъ
показа'вый ми`, _е=ли^ка да'руетъ боя'щымся _е=гw`:
вои'стинну не w=ставля'еши взыску'ющихъ тебе`, Гд\си. _О=на'
же _е='мши ста'рца, не попусти` тому` соверше'ннw
поклони'тися _е='й, и= рече` къ нему`: сiя^ вся^, jа=`же
слы'шалъ _е=си`, _о='ч~е, заклина'ю тя` I=и~сомъ Хр\сто'мъ
Бг~омъ сп~си'телемъ на'шимъ, да никому'же рече'ши, до'ндеже
Бг~ъ w\т земли` во'зметъ мя`. ны'нjь же съ ми'ромъ w\тиди`,
и= па'ки въ гряду'щее лjь'то о_у='зриши мя` Бж~iей на'съ
храня'щей благода'ти. Сотвори' же Гд\са ра'ди то`, _е='же
ти` ны'нjь повjь'мъ, моля`: въ по'стъ гряду'щагw лjь'та не
преходи` I=_орда'на, jа='коже w=быко'сте твори'ти въ
мн\стырjь`. Дивля'шеся же Зwсi'ма, о_у=слы'шавъ, jа='кw и=
чи'нъ монасты'рскiй возвjьсти`, и= ничто'же и='но
глаго'лаше, кромjь`: сла'ва Бг~у даю'щему вели^кая лю'бящымъ
_е=го`. _О=на' же рече` _е=му`: пребу'ди о_у=`бо, jа='коже
глаго'лю ти`, а='вво, въ мн\стырjь`: и='бо и= хотя'щу
и=зы'ти, не возмо'жно ти` бу'детъ. во ст~ы'й же вели'кiй
четверто'къ, въ ве'черъ та'инственныя Хр\сто'вы ве'чери,
возми` w\т животворя'щагw Тjь'ла и= Кро'ве Хр\ста` Бг~а
на'шегw въ сосу'дъ ст~ы'й, досто'йный такова'гw та'инства,
принеси' же и= пожди' мя на _о='ной I=_орда'на странjь`,
су'щей близ\ъ селе'нiя мiрска'гw, да прише'дши причащу'ся
животворя'щихъ дарw'въ: w\тне'лjьже бо прича'стихся и='хъ въ
це'ркви Предте'чевjь, пре'жде да'же I=_орда'нъ преидо'хъ,
да'же до ны'нjь ст~ы'ни тоя` не получи'хъ: ны'нjь же
о_у=се'рднw _е=я` жела'ю, и= молю' тя, да не пре'зриши
моегw` моле'нiя, но вся'чески принеси' ми животворя'щее то`
Бж~е'ственное Та'инство, въ _о='ньже ча'съ Гд\сь своя`
о_у=ченики` ве'чери Бж\ственныя прича'стники сотвори`.
I=wа'нну же и=гу'мену монастыря`, въ не'мже живе'ши, рцы`:
внима'й тебjь` и= ста'ду твоему`, нjь^кая бо та'мw творя'тся
тре'бующая и=справле'нiя: _о=ба'че хощу`, да не ны'нjь то
рече'ши _е=му`, но _е=гда` Гд\сь повели'тъ ти`. Сiя^ ре'кши,
и= моле'нiя за ся` w\т ста'рца и=спроси'вши, во вну'треннюю
пусты'ню w\ти'де. Зwсi'ма же поклони'ся до земли`, цjьлова`
мjь'сто, и=дjь'же стоя` стwпы` но'гъ _е=я`, дая` сла'ву
Бг~у, и= возврати'ся хваля` и= благословя` Хр\ста` Бг~а
на'шего. Преше'дъ же _о='ную пусты'ню, прiи'де въ мн\сты'рь,
въ _о='ньже де'нь возвраща'тися w=быко'ша бра'тiя въ не'мъ
живу'щiи, и= въ то` лjь'то о_у=молча` вся^, никому'же смjь'я
и=зрещи`, jа=`же ви'дjь. въ себjь' же Бг~а моля'ше показа'ти
_е=му` па'ки жела'емое лице`: скорбя'ше же и= тужа'ше
помышля'я долготу` лjь'тнягw тече'нiя, хотя` _е=ди'нымъ
дне'мъ лjь'ту _о='ному бы'ти, а='ще бы мо'щно бы'ло.

_Е=гда' же прибли'жися ст~а'гw вели'кагw поста` пе'рвая
недjь'ля, а='бiе по _о=бы'чаю и= чи'ну монасты'рскому,
сотвори'вше моли'тву, и=нi'и вси` бра'тiя пою'ще и=зыдо'ша
въ пусты'ню. Зwсi'мjь же неду'гомъ распале'ну, нужда` бjь`
о_у=де'ржану въ мн\стырjь` w=ста'тися. Воспомяну' же то'й
прп\дбную ре'кшую, jа='кw, и= хотя'щу ти` и=з\ъ _о=би'тели
и=зы'ти невозмо'жно бу'детъ: но не по мно'гихъ дне'хъ w\т
неду'га воста'въ, пребыва'ше въ монастырjь`. _Е=гда' же
возврати'шася бра'тiя, и= прибли'жися ве'черъ та'инственныя
Хр\сто'вы ве'чери, сотвори` Зwсi'ма завjьща'нное _е=му`:
вложи` въ ма'лую ча'шу w\т Пречи'стагw Тjь'ла и= Кро'ве
Хр\ста` Бг~а на'шегw. вложи' же въ ко'шницу и= смо'квей
ма'лw суше'ныхъ, и= фi'нiкwвъ, и= ма'лw со'чива моче'на въ
водjь`, и= и='де въ ве'черъ sjьлw` по'зденъ, и= сjь'де на
бре'зjь I=_орда'новjь жды'й прп\дбныя. Ме'длящей же ст~jь'й,
Зwсi'ма не воздрема'ся, но неукло'ннw зря'ше въ пусты'ню,
w=жида'я ви'дjьти о_у=се'рднw жела'емое. Глаго'лаше же въ
себjь` ста'рецъ, сjьдя`: _е=да` ка'кw недосто'инство мое`
возбрани` прiити` _е='й, и=ли` прише'дши и= не w=брjь'тши
мя` возврати'ся; Си'це же помышля'я, воздохну` и=
прослези'ся, и= _о='чи на нб~о возве'дъ Бг~а моля'ше,
глаго'ля: не лиши` мене` Вл\дко, и= па'ки да ви'жду лице`
то`, _е='же ви'дjьти сподо'билъ мя` _е=си`: да не w\тиду`
то'щь, нося` моя` грjьхи` на w=бличе'нiе мое`. Си'це со
слеза'ми помоли'вся, во и=но'е помышле'нiе пре'йде, глаго'ля
въ себjь`: что` о_у='бw бу'детъ, а='ще и= прiи'детъ, а=
корабля` нjь'сть; ка'кw I=_орда'нъ пре'йдетъ, и= ко мнjь`
прiи'детъ недосто'йному; о_у=вы` моему` недосто'инству!
о_у=вы` мнjь`, кто' мя такова'гw добра` лиши'тися сотвори`!
Та'кw помышля'ющу ста'рцу, се` преподо'бная прiи'де, и= на
_о='ной странjь` рjьки` ста`, w\тню'дуже и=дя'ше. Зwсi'ма же
воста`, ра'дуяся и= веселя'ся и= сла'вя Бг~а. Но _е=ще` съ
по'мысломъ боря'шеся, jа='кw не мо'жетъ та` прейти`
I=_орда'на: и= ви'дjь ю=` зна'менiемъ кр\стнымъ I=_орда'нъ
зна'менавшую, [всю' бо но'щь тогда` луна` сiя'ше, и= ку'пнw
съ тjь'мъ зна'менiемъ взы'де ст~а'я на во'ду, и= ходя'щи
верху` воды` къ нему` грядя'ше. _О='нъ же хотjь`
поклони'тися _е='й, но та` возбрани` _е=му` _е=ще` по водjь`
ше'ствующи, глаго'ля: что` твори'ши а='вво, свяще'нникъ
сы'й, и= нося` Бж~е'ств_енныя Та^йны; _О='нъ же послу'ша
глаго'лющiя, jа='же соше'дши съ воды`, рече` къ ста'рцу:
благослови` _о='ч~е, благослови`. _О='нъ же къ не'й
w\твjьщава'я съ тре'петомъ, [о_у='жасъ бо _е=го` w=б\ъя` w\т
преди'внагw видjь'нiя,] рече`: вои'стинну Бг~ъ нело'женъ
_е='сть, w=бjьща'вый о_у=подо'бити себjь` тjь'хъ, и=`же
себе` по си'лjь свое'й w=чища'ютъ: сла'ва тебjь`, Хр\сте`
Бж~е на'шъ, показа'вый мнjь` рабо'ю твое'ю се'ю, коли'кw
w\тстою` w\т мjь'ры соверше'нiя. Сiе` ре'кшаго моли` _о=на`
глаго'лати сv"мво'лъ ст~ы'я вjь'ры: Вjь'рую во _е=ди'наго
Бг~а: и= моли'тву Гд\сню: _О='ч~е на'шъ, и='же _е=си` на
нб~сjь'хъ: и= сконча'ннjьй бы'вшей моли'твjь, причасти'ся
ст~а'я пречи'стыхъ и= животворя'щихъ Хр\сто'выхъ Та^инъ, и=
по _о=бы'чаю цjьлова` ста'рца. Та'же на нб~о ру'цjь
воздjь'вши воздохну`, прослези'ся, и= возопи`: Ны'нjь
w\тпуща'еши рабу` твою`, Вл\дко, по глаго'лу твоему` съ
ми'ромъ, jа='кw ви'дjьста _о='чи мои` спасе'нiе твое`. И=
глаго'ла къ ста'рцу: прости`, а='вво Зwсi'мо, _е=ще' же и=
друго'е мое` жела'нiе и=спо'лни: и=ди` ны'нjь въ монасты'рь
тво'й, Бж~iимъ ми'ромъ храни'мь, въ гряду'щее же лjь'то
прiиди` па'ки во _о='ный же пото'къ, и=дjь'же ти` пе'рвjье
собесjь'довахъ: прiиди` о_у='бw, прiиди` Гд\са ра'ди, и=
па'ки о_у='зриши мя`, jа='коже хо'щетъ Гд\сь. _О='нъ же къ
не'й w\твjьща`: хотjь'лъ бы, а='ще бы мо'щно бы'ло, въ
слjь'дъ тебе` ходи'ти, и= зрjь'ти честно'е твое` лице`.
молю' же, сотвори` _е=ди'но проси'мое о_у= тебе` мно'ю
ста'рцемъ: вкуси` ма'лw w\т пи'щи, ю='же принесо'хъ сjь'мw:
и= сiе` ре'къ, показа` _е='й, _е='же и=мjь` принесе'нное въ
ко'шницjь. _О=на' же пе'рстwвъ края'ми со'чива косну'вшися,
и= три` зерна` взе'мши, во своя` принесе` о_у=ста`, и=
рече`: довлjь'етъ сiе` благода'ти дх~о'внjьй, храня'щей
_е=стество` души` нескве'рненное: и= па'ки рече` къ ста'рцу:
моли` Гд\са w= мнjь`, _о='тче мо'й, моли`, помина'я всегда`
мое` _о=кая'нство. _О='нъ же поклони'ся пред\ъ нога'ми
_е=я`, и= проша'ше ю=`, да мо'лится къ Бг~у w= цр~кви и= w=
царjь'хъ и= w= не'мъ. Сiе` же и=спроси'въ со слеза'ми,
w=ста'ви ю=` w\ти'ти, са'мъ стеня` и= рыда'я: не смjь'яше бо
надо'лзjь ю=` держа'ти, но а='ще бы и= хотjь'лъ, неудержи'ма
бjь`. _О=на' же па'ки I=_орда'нъ зна'менавши, пре'йде то'й
верху` воды`, jа='коже и= пре'жде. ста'рецъ же возврати'ся,
ра'достiю и= стра'хомъ мно'гимъ содержи'мый, о_у=коря'я
себе` и= жалjь'я, jа='кw и='мене преподо'бныя не о_у=вjь'да,
_о=ба'че о_у=пова'ше сiе` получи'ти во гряду'щее лjь'то.

Лjь'ту же мимоше'дшу, по'йде Зwсi'ма па'ки въ пусты'ню,
вся` и=спо'лнивши по _о=бы'чаю, и= теча'ше ко _о='ному
преди'вному видjь'нiю: преше'дъ же пусты'нную долготу`, и=
дости'гъ нjь'кiихъ зна'менiй, показу'ющихъ и=ско'мое
мjь'сто, w=зира'ше десна^я и= шу'яя, и= всю'ду смотря'ше
_о=чи'ма, а='ки лове'цъ нjь'кiй и=ску'снjьйшiй, гдjь' бы
о_у=го'дный получи'лъ ло'въ. _Е=гда' же ни w\тку'ду что`
дви'жущееся та'кw ви'дjь, нача` себе` w=блива'ти слеза'ми,
и= возве'дъ на нб~о _о='чи, моля'шеся Бг~у, глаго'ля:
покажи' ми, Гд\си, сокро'вище твое` некра'домое, _е='же въ
пусты'ни се'й скры'лъ _е=си`: покажи` мнjь` (молю'ся) во
пло'ти а='гг~ла, _е=му'же соравни'тися нjь'сть досто'инъ
ве'сь мi'ръ си'це моля'щися, дости'же мjь'ста, _е='же
пото'къ зна'меноваше, и= ста'въ на краи` тогw`, ви'дjь на
странjь` су'щей къ восто'ку преподо'бную лежа'щую ме'ртву,
ру'цjь, jа='коже достоя'ше, согбе'нны, и= лице` на восто'къ
w=браще'нно и=му'щую, къ не'йже прите'къ, но'зjь блаже'нныя
слеза'ми свои'ми о_у=мыва'ше: ни кото'рой бо и=но'й ча'сти
тjь'ла дерзну'лъ косну'тися. Пла'кавъ же мно'гw, и= _псалмы`
прили'чныя вре'мени тоя` потре'бы и=зре'къ, сотвори` мл~тву
погребе'нiя, и= рече` къ себjь`: погребсти' ли и='мамъ
преподо'бныя тjь'ло, _е=да' ли неуго'дно бл~же'ннjьй сiе`
бу'детъ; и= сiя^ въ мы'сли свое'й глаго'ля, ви'дjь при
главjь` _е=я` и=з\ъ_ображе'нное писа'нiе на земли` сiе`:
погреби`, а='вво Зwсi'мо, на се'мъ мjь'стjь смире'нныя
Марi'и тjь'ло, w\тда'ждь пе'рсть пе'рсти: моли' же Гд\са за
мя` преста'вльшуюся мц\са Фарму'фiа _Е=гv'петски, Ри'мски же
А=прi'ллiа въ а~ де'нь, въ са'мую но'щь сп~си'тельныя
Хр\сто'вы стр\сти, по причаще'нiи Бж~е'ственныя та'йныя
ве'чери.{Въ лjь'то w\т созда'нiя мi'ра #sл~, w\т воплоще'нiя
же Бж~iя фк~в въ ца'рство I=устi'на вели'кагw па'ки
w=брjь'тена ме'ртва, и= погребена` прп\дбнымъ Зwсi'мою.}
Сiе` написа'нiе проче'тъ ста'рецъ, пе'рвjье помышля'ше, кто'
_е=сть писа'вый; _о=на' бо, jа='коже рече`, не вjь'дяше
писа'нiя: _о=ба'че возра'довася sjьлw`, jа='кw и='мя
преподо'бныя о_у=вjь'да. Позна' же, jа='кw _е=гда`
преподо'бная Бж~е'ственныхъ Та^инъ при I=_орда'нjь
причасти'ся, а='бiе на мjь'стjь то'мъ бы'сть, и=дjь'же
тогда` и= преста'вися: и= а='може _о='нъ ше'ствова пу'ть,
два'десять дне'й трудя'ся, та'мw во _е=ди'нъ ча'съ Марi'а
пре'йде, и= а='бiе къ Бг~у w\ти'де. Сла'вя же Бг~а ста'рецъ,
и= слеза'ми w=моча'я зе'млю и= тjь'ло преподо'бныя, и= рече`
къ себjь`: вре'мя _е='сть, _w ста'рче Зwсi'мо! повелjь'нное
тебjь` соверши'ти, но ка'кw сотвори'ши, _о=кая'нне,
и=скопа'нiе, въ рука'хъ ничесо'же и=мjь'я; и= сiе` ре'къ:
ви'дjь не дале'че дре'вце ма'лое пове'рженное въ пусты'ни,
_е='же взе'мъ, нача` и='мъ копа'ти: суха' же су'щи земля`,
ника'коже послу'шаше тружда'ющагося ста'рца, и='же копа'ше
по'томъ w=блива'емь, но ничто'же о_у=спjь'ти можа'ше.
Воздохну'въ же sjьлw' и=з\ъ глубины` ду'ха, ви'дjь льва`
вели'ка тjь'лу преподо'бныя Марi'и предстоя'ща, и= но'зjь
_е=я` ли'жуща, _е=го'же о_у=зрjь'въ, тре'петенъ бы'сть,
о_у=боя'ся sвjь'ря, па'че же воспомяну'въ блаже'нною
рече'нное, jа='кw никогда'же sвjьре'й ви'дjь: зна'менався же
кр\стнымъ зна'менiемъ, вjь'рова, jа='кw невре'днw бу'детъ
сохране'нъ си'лою лежа'щiя. Ле'въ же нача` приближа'тися
ти'хw къ ста'рцу, ласка'яся помава'нми, а='ки цjьлу'я,
Зwсi'ма же рече` ко льву`: поне'же, _w sвjь'рю! вели'кая
сiя` повелjь` мнjь` погребсти` _е=я` тjь'ло, а='зъ же ста'ръ
_е='смь, и= не могу` и=скопа'ти гро'ба, ниже' бо и='мамъ
_о=ру'дiя къ копа'нiю потре'бнагw, и= въ толи'комъ
разстоя'нiи w\т _о=би'тели не могу` ско'рw возврати'тися, и=
принести` _е=`: сотвори` о_у=`бо ты` копа'нiе ноготьми`
твои'ми, да w\тда'мъ земли` преподо'бныя тjь'ло. и= а='бiе
глаго'лъ се'й слы'шавъ ле'въ, и=скопа` пре'дними нога'ми
ро'въ, _е=ли'кw дово'льно бjь` покры'ти погреба'емое. Па'ки
о_у='бw ста'рецъ преподо'бныя но'зjь слеза'ми w=мы'въ, и=
мно'гw моли'вся _е='й за вся^ моли'тися, покры` тjь'ло _е=я`
земле'ю на'го су'щее, и= ничто'же и='но и=мjь'ющее, то'чiю
_о='ную _о=де'жду ве'тхую раздра'нную, пове'рженную
и=спе'рва w\т Зwсi'мы, _е='юже Марi'а покры` тогда` нjь^кiя
своегw` тjь'ла ча^сти. Та'же w\тидо'ша _о='ба, ле'въ во
вну'треннюю. пусты'ню, jа='кw _о=вча` ти'хw w\тлучи'ся,
Зwсi'ма же во своя^ возврати'ся, благословя` и= хваля`
Хр\ста` Бг~а на'шего. И= прише'дъ въ монасты'рь, всjь^мъ
мона'хwмъ повjь'да w= преподо'бнjьй се'й Марi'и, ничто'же
скры'въ, _е='же ви'дjь, и= _е='же слы'ша w\т нея`, jа='кw
всjь^мъ слы'шащымъ вели^чiя Бж~iя о_у=диви'тися, со
стра'хомъ же, вjь'рою и= любо'вiю твори'ти па'мять, и=
почита'ти де'нь преставле'нiя преподо'бныя сея` Марi'и.
I=wа'ннъ же и=гу'менъ w=брjь'те нjь^кiя въ монастырjь`
тре'бующыя и=справле'нiя, по словеси` преподо'бныя, и= сiя^
по'мощiю Бж~iею и=спра'ви. Зwсi'ма же пожи'вши Бг~оуго'днw,
бли'зъ ста` лjь'тъ сы'й, сконча` въ то'мъ монастырjь` жи'знь
вре'менную, и= w\ти'де на вjь'чную ко Гд\су: и= w=ста'виша
мона'си тогw` монастыря` ненапи'санное та'мw сiе` w=
преподо'бнjьй Марi'и се'й сло'во, но по воспрiима'нiю
_е=ди'ни w\т други'хъ глаго'люще, и= во _о='бщую
предлага'юще по'льзу по'вjьсть слы'шащымъ: писа'нiемъ же то`
пре'дано дото'лjь не слы'шася. А='зъ же (глаго'летъ
Сwфро'нiй ст~ы'й) _е='же ненапи'санное прiя'хъ, пи'санною
по'вjьстiю и=з\ъяви'хъ. А='ще же и=нi'и житiе` сея`
преподо'бныя списа'ша, лу'чше вjь'дуще, то` не о_у=` въ мое`
вjь'дjьнiе прiи'де: _о=ба'че и= а='зъ коли'кw возмого'хъ, но
си'лjь мое'й написа'хъ, ничто'же па'че и='стинныя по'вjьсти
предпоче'тъ. Бг~ъ же преди^вная творя'й чудеса`, и=
вели'кими воздая'й дарова'нiи съ вjь'рою къ нему`
прибjьга'ющымъ, да да'стъ мзду` приwбрjьта'ющымъ по'льзу w\т
сея` по'вjьсти, чту'щымъ сiе` и= слы'шащымъ, и=
потща'вшемуся преда'ти по'вjьсть сiю` написа'нiемъ: и= да
сподо'битъ и=`хъ благi'я ча'сти Марi'и сея` блаже'нныя со
всjь'ми, Бг~омы'слiемъ и= труда'ми бл~гоугоди'вшими _е=му`
w\т вjь'ка. Дади'мъ же и= мы` сла'ву Бг~у Цр~ю` вjь'чному,
да и= на'съ сподо'битъ ми'лость w=брjьсти` въ де'нь су'дный
w= Хр\стjь` I=и~сjь Гд\сjь на'шемъ: _е=му'же подоба'етъ
вся'кая сла'ва, че'сть и= держа'ва, и= поклоне'нiе, со
_О=ц~е'мъ и= прест~ы'мъ и= животворя'щимъ Дх~омъ, ны'нjь и=
при'снw, и= во вjь'ки вjькw'въ, А=ми'нь.

Въ нача'лjь сея` w= ст~jь'й Марi'и _Е=гv'петстjьй
i=сто'рiи Зwсi'мы преподо'бнагw Бг~оуго'дному житiю`
хвали'му су'щу, воспомяну'ся и='нъ Зwсi'ма не правосла'вный,
но _е=ретi'къ. И= мни'тся jа='кw то'й здjь` Зwсi'ма
воспомяну'ся w\т и='ноческагw чи'на бы'вый, w= не'мже
А=прi'ллиа въ г~ де'нь въ житiи` преподо'бнагw Нiки'ты
и=сповjь'дника пи'шется, и='же царю` Льву` А=рмени'ну
i=кwнобо'рцу бjь` _е=диномы'сленъ и= _е=диносовjь'тенъ въ
_е=ретi'чествjь, и= по нjь'коемъ вре'мени въ сквернодjья'нiи
jа='тъ о_у=рjь'занiе но'са пострада`, и= сту'днw о_у='мре
sлу'ю по себjь` сла'ву w=ста'вивши.

Воспомяну'ся же въ i=сто'рiи се'й Зwсi'ма _е=ретi'къ не
w\т сама'гw ст~а'гw Сwфро'нiа списа'теля житiя` Марi'и
преподо'бныя, но w\т послjь'днихъ преписа'телей во
w=бличе'нiе лука'вства _е=гw`: то'й бо Зwсi'ма по ст~о'мъ
Сwфро'нiи мно'гими лjь'ты поживе` по'слjьжде, и= бjь` и='мя
_е=гw` jа='кw сту'дное въ смjь'хъ и= поруга'нiе
воспомина'емо. Послjь'днiи о_у='бw житiя` Марi'и
преписа'тели и='мя преподо'бнагw Зwсi'мы че'стно творя'ще,
о_у=вjьщава'ютъ чту'щихъ и= послу'шающихъ да не кото'рый w\т
ни'хъ Зwсi'мино и='мя о_у=слы'шавъ, помы'слитъ бы'ти Зwсi'му
_е=ретiка` бы'вша и= сту'днw сконча'вшася.