14

Въ пято'къ ве'чера, по w\тпуще'нiи вече'рни, w=бле'кшуся
сщ~е'ннику въ фелw'нь, дiа'кону же въ стiха'рь, и= прiе'мшу
кади'льницу и= fv"мiа'мъ, и=схо'дитъ въ притво'ръ,
пред\ъиду'щу _е=му` параекклисiа'рху со свjь'щникомъ,
послjь'дуемъ же по ни'хъ и= мы`. И= _е=гда` прiити` _е=му`
въ притво'ръ, предугото'вленjь же бы'вшей кутiи`, дiа'конъ
глаго'летъ: Бл~гослови` вл\дко. Сщ~е'нникъ же, Бл~гослове'нъ
бг~ъ на'шъ: кадя` над\ъ кутiе'ю крестоwбра'знw. Мы' же
глаго'лемъ _псало'мъ ч~: Живы'й въ по'мощи: [Во и='но же
вре'мя кромjь` вече'рни, и=ли` о_у='трени, быва'етъ нача'ло
по _о=бы'чаю, глаго'лемъ: Трист~о'е, и= по _О='ч~е на'шъ:
I=ере'й возгла'съ: JА='кw твое` _е='сть цр\ство: Та'же,
Гд\си поми'луй, в~_i: Сла'ва, и= ны'нjь: Прiиди'те
поклони'мся, три'жды: и= _псало'мъ ч~.] И= по концjь`
_е=гw`: Сла'ва, и= ны'нjь, А=ллилу'iа три'жды. и= быва'етъ
_е=ктенiа` поко'йна: Ми'ромъ гд\су помо'лимся. I=ере'й
возгла'съ: JА='кw ты` _е=си` воскр\снiе, и= живо'тъ: Та'же,
А=ллилу'iа, три'жды, на гла'съ и~. Глаго'лемъ же стiхи`
сiя^, а-~й: Бл~же'ни jа=`же и=збра'лъ, и= прiя'лъ _е=си`
гд\си. в~, Па'мять и='хъ въ ро'дъ и= ро'дъ. г~, ду'шы и='хъ
во бл~ги'хъ водворя'тся. Та'же тропа'рь, гла'съ и~:
Глубино'ю му'дрости человjьколю'бнw: два'жды. Сла'ва, и=
ны'нjь, бг~оро'диченъ: Тебе` и= стjь'ну и= приста'нище
и='мамы: Посе'мъ каfi'сма, Бл~же'ни непоро'чнiи, пое'мъ на
гла'съ в~. Припjь'въ: Помяни` гд\си ду'шы ра^бъ твои'хъ.
Другi'й же ли'къ вторы'й стi'хъ. И= по ря'ду про'чыя стiхи`,
_о='ба ли^ка. Раздjьля'емъ же на двjь` статiи`. По пе'рвой
же статiи` не глаго'лемъ, Сла'ва, и= ны'нjь: но а='бiе се'й
стi'хъ: JА='кw а='ще бы не зако'нъ тво'й поуче'нiе мое`
бы'лъ: три'жды. Та'же i=ере'й и=ли` дiа'конъ глаго'летъ
_е=ктенiю`: Па'ки и= па'ки ми'ромъ гд\су помо'лимся. Ли'къ,
Гд\си поми'луй. И= прw'чая. I=ере'й же мл~тву вта'й
глаго'летъ: Бж~е духw'въ, и= вся'кiя пло'ти: Ли'къ: Гд\си
поми'луй, м~, тихогла'снw. Та'же начина'етъ вторы'й ли'къ:
Тво'й _е='смь а='зъ: Припjь'въ, О_у=поко'й гд\си ду'шы ра^бъ
твои'хъ: И= по ря'ду _о='ба ли^ка: И= про'чыя стiхи`. На
концjь' же глаго'лемъ стi'хъ: Жива` бу'детъ душа` моя`: до
конца`, три'жды. Та'же тропари` за о_у=поко'й, пое'мъ на
гла'съ _е~. Припjь'въ: Бл~гослове'нъ _е=си` гд\си: Ст~ы'хъ
ли'къ w=брjь'те и=сто'чникъ жи'зни, и= две'рь ра'йскую: и=
прw'чая. Посе'мъ А=ллилу'iа, три'жды. Та'же, _е=ктенiа`.
[зри`] И= помина'етъ сщ~е'нникъ о_у=со'пшихъ по ря'ду. А='ще
ли же не пое'мъ непоро'чныхъ: по А=ллилу'iи, глаго'лемъ
тропа'рь: Глубино'ю му'дрости: и= бг~оро'диченъ _е=гw`. И=
а='бiе, Бл~гослове'нъ _е=си` гд\си: Посе'мъ тропа'рь,
Ст~ы'хъ ли'къ w=брjь'те: И= прw'чая. Та'же помина'етъ
сщ~е'нникъ о_у=со'пшихъ, jа='коже пре'жде о_у=каза'ся: И=
глаго'лемъ сjьда'ленъ покои'нъ, гла'съ _е~: Поко'й сп~се
на'шъ съ прв\дными рабы^ твоя^: Сла'ва и= ны'нjь,
бг~оро'диченъ: W\т дв~ы возсiя'вый мi'ру хр\сте` бж~е:
Та'же, _псало'мъ н~. Канw'нъ _о=ктw'иха о_у=со'пшихъ, по
гла'су, на д~. По г~ пjь'сни i=рмо'съ и= _е=ктенiа`: И=
помина'етъ пре'жде о_у=со'пшихъ по ря'ду, jа='коже
предрече'ся, посреди` непоро'чныхъ. Возгла'съ, JА='кw ты`
_е=си` воскр\снiе и= живо'тъ: Та'же сjьда'ленъ, гла'съ s~:
Вои'стинну суета` вся'ч_еская: Сла'ва и= ны'нjь,
бг~оро'диченъ: Всест~а'я бц\де: По s~ пjь'сни i=рмо'съ, и=
_е=ктенiа`. И= помина'ются о_у=со'пшiи, jа='коже пре'жде
о_у=каза'ся. Возгла'съ: JА='кw ты` _е=си` воскр\снiе и=
живо'тъ: Та'же конда'къ, гла'съ и~: Со ст~ы'ми о_у=поко'й:
и= i='косъ, Са'мъ _е=ди'нъ _е=си` безсме'ртный: По f~
пjь'сни глаго'летъ i=ере'й: Бц\ду и= мт~рь свjь'та: Лю'дiе,
Ду'си и= ду'шы прв\дныхъ восхва'лятъ тя` гд\си: И= пое'мъ
i=рмо'съ f~-я пjь'сни. Та'же, трист~о'е: и= по _О='ч~е
на'шъ, глаго'лемъ тропари` сiя^, гла'съ д~: Со ду'хи
прв\дныхъ сконча'вшихся: и= прw'чая. Та'же i=ере'й и=ли`
дiа'конъ глаго'летъ _е=ктенiю`: Поми'луй на'съ бж~е: и=
прw'чая. I=ере'й, Бж~е духw'въ: И= помина'етъ jа=`же w\т
вjь'ка о_у=ме'ршыя _о=тцы` и= бра'тiю на'шу, здjь` лежа'щыя,
и= повсю'ду правосла^вныя хр\стiа'ны. Та'же возгла'съ:
JА='кw ты` _е=си` воскр\снiе и= живо'тъ: Глаго'летъ i=ере'й,
и=ли` дiа'конъ: Прему'дрость. Мы' же, Ч\стнjь'йшую
херувi^мъ: I=ере'й: Сла'ва тебjь` хр\сте` бж~е: Мы' же,
Сла'ва, и= ны'нjь: Гд\си поми'луй, три'жды. Бл~гослови`.
I=ере'й, w\тпу'стъ: Воскр~сы'й и=з\ъ ме'ртвыхъ хр\сто'съ
и='стинный бг~ъ на'шъ: и= прw'чая. И= по w\тпу'стjь
глаша'етъ дiа'конъ си'це: Во бл~же'нномъ о_у=спе'нiи
вjь'чный поко'й пода'ждь гд\си, о_у='спшымъ рабw'мъ твои^мъ,
и='м\ркъ: и= сотвори` и=`мъ вjь'чную па'мять. Пjьвцы' же
пою'тъ: Ве'чная па'мять, три'жды. А= и=дjь'же нjь'сть
дiа'кона, пою'тъ пjьвцы`: Рабw'мъ бж~iимъ и='м\ркъ,
о_у='спшымъ вjь'чная па'мять.