БОГОСЛУЖЕНИЕ БОГОСЛУЖЕБНЫЕ ПЕСНОПЕНИЯ СТАТЬИ ФОТО И ВИДЕО ЗАДАТЬ ВОПРОС ССЫЛКИ

Последование молебнаго пения ко Господу Богу нашему Иисусу Христу, певаемаго во время безведрия, егда дождь многий безгодно идет

Священник возглашает: "Благословен Бог наш...", чтец: "Аминь", "Царю Небесный...", Трисвятое, "Отче наш...", священник: "Яко Твое есть Царство...", чтец: "Господи, помилуй" (12 раз), "Приидите, поклонимся" (трижды), и псалом 68-й: "Спаси мя, Боже, яко внидоша воды до души моея...", "Слава, и ныне", "Аллилуиа, аллилуиа, аллилуиа, слава Тебе, Боже" (трижды). Диакон произносит великую ектению: "Миром Господу помолимся..." до прошения: "О плавающих..." и добавляет следующие: "О еже не в гневе прещения своего умалити нас, грех ради и беззаконий наших; но милости и щедроты Своя от века сущия помянути, и помиловати нас, Господу помолимся".

"О еже помянути Завет Свой, иже к Ною, и не растлити безгодною мокротою, и мрачным злорастворным воздухом, и темною мглою землю, и нищих людей Своих; но милостивно пощадити достояние Свое, и солнцу плодоносными лучами и мерною теплотою возсияти на земли повелети, Господу помолимся".

"О еже повелети облаком престати от безгоднаго дождя, и мраком разъитйся, светлости же солнечной возсияти, Господу помолимся".

"О еже пощадити люди, и скоты, и всю землю сию, и не растлити ю безгодным дождевным лиянием, Господу помолимся".

"О еже подати благорастворенное ведро достоянию Своему, и умножити плоды земныя, Господу помолимся".

"О еже не по грехом нашым воздати нам, и казнити нас; но по велицей милости Своей, и по многим щедротам Своим, явити на нас скорое Свое человеколюбие и благость, Господу помолимся".

"О еже не растлити плоды и семена земная грех ради наших, безгодным дождевным лиянием; но вольным ведром пощадити и угобзйти я нищих ради людей Своих, Господу помолимся".

"О еже благоприятным быти молитвам нашым, и избавити нас от глада, губительства, труса, потопа, огня, града, меча, нашествия иноплеменник, междоусобныя брани и всякия смертоносныя язвы, Господу помолимся".

"О избавитися нам...", "Заступи, спаси...", "Пресвятую, Пречистую..."

Священник возглашает: "Яко подобает Тебе всякая слава, честь и поклонение..."

На "Бог Господь" тропарь, глас 2-й: "Призри милостивно. Боже, на люди согрешшыя, и не презри в покаянии к Тебе припадающих, но, яко благ, помилуй и вскоре праведнаго Твоего избави прещения, молитвами Богородицы, Едине Человеколюбче" (дважды).

"Слава, и ныне", Богородичен: "Скорая миру Помощнице, Дево Богородице, Твоего предстательства, и крепкаго заступления тощно просим; умилосердися на скорбящыя люди, и умоли милостиваго Сына Твоего и Бога, от належащия нас избавити беды, и праведнаго Своего прещения, Едина в женах Благословенная".

Затем - 50-й псалом: "Помилуй мя, Боже...", по окончании которого - канон, глас 6-й.

Песнь 1-я. Ирмос: "Яко по суху пешешествовав Израиль..."

Припев: "Помилуй ны, Господи, люди согрешшыя".

"Приидите, вернии, песнь нову воспоим Владыце Богу, глаголюще: умилосердися яко щедр, и помилуй безмерно согрешшыя".

"Слава"; "Приими молитвы и слезы, Христе Боже, молящихся Тебе ныне нас рабов Твоих, и подаждь времена ведренна к плодоношению земли".

"И ныне": "Ускорй, Владычице Марие, Пречистеи Си руце молитвенно воздети к Сыну Твоему и Богу, еже подати ведро, и пищу верным рабом Своим".

Катавасия по каждой песни: "Избави от бед...", "Спаси от бед..."

Песнь 3-я. Ирмос: "Несть свят..."

"Не яростию Твоею обличиши нас. Господи, якоже пророк вопиет, ни гневом Твоим накажи нас; но молитвами Пречистыя Твоея Матере, излей на ны обильно милости Твоя".

"Слава": "Новозванный язык со слезами вопиет Ти, Владыко: умилосердися, яко щедр, и подаждь нам ведро и воздухи благорастворны, обилие же и велию милость".

"И ныне", Богородичен: "Не презри слез наших, Богородице Владычице, и не мерзко Ти буди воздыхание наше; но моли Сына Твоего прилежно подати ведро земли и людем Твоим велию милость".

После катавасии: "Избави от бед..." диакон произносит великую ектению: "Помилуй нас, Боже..." с особыми прошениями: "Достойная казнем сотворенном, и праведен суд Твой постиже нас, Господи; но пощади, пощади люди согрешшыя, и отврати гнев Твой, праведно на ны движимый, в покаянии к Тебе припадаем и смиренно молим Тя, услыши и помилуй".

"Да не потопит нас, Господи, буря водная, и да не растлиши землю, и гладом уморйши нас, людей Твоих; но, яко благ, устави водное лияние, и теплоте солнечной возсияти на земли яко силен повели, прилежно молим Ти ся, Царю Пресвятый, услыши и помилуй".

"Нищих ради людей Твоих и скот, мрачному воздуху и темной мгле разъитися, и лучам солнечным возсияти повели, Всещедрый Господи, да не безгодно скончаемся, молим Ти ся, скоро услыши и помилуй".

"Спаси нас от брения, Господи, и от тимения глубины, и от глубоких вод, да не исчезнут в суете дние наши, и лета наша в воздыханиих; но помяни Завет Твой, иже к Ною, и сотвори с нами по милости Твоей, сокрушенным сердцем молим Ти ся, услыши и помилуй".

"В скорби и печали нашей и смутной тузе, к Тебе Господу Богу нашему умиленно вопием: да приидет к Тебе молитва наша, и да изыдет из истления живот наш, да не безгодно исчезнет, милостивно услыши глас нищих людей Твоих, и человеколюбно помилуй".

"Не на дугу, юже в знамение Завета на облацех поставил еси, Господи, но на Твоя щедроты взираем, и Твою милость привлещй ищем, к Тебе, богатому в милости и безмерному в щедротах, сердцем сокрушенным молим Ти ся: подаждь нам мерное, и плодоносное ведро с благорастворенными воздухи, и скоро, яко щедр, услыши и помилуй".

Священник возглашает: "Услыши ны, Боже, Спасителю наш..."

Седален, глас 5-й: "К Тебе, Спасе наш Иисусе Превечный Боже, прибегаем, грешнии раби Твои, и со слезами в покаянии припадающе вопием Ти: пощади, пощади, Щедре, люди безответныя, и не растли нас безгодным дождевным лиянием и злорастворением воздушным; но подаждь ведро, и умножи плоды земныя, яко Человеколюбец".

"Слава, и ныне", Богородичен: "Святейшую херувимов и Вышшую небес, Препетая Богородице, Тя воистинну исповедающе, имамы грешнии Заступницу, и обретаем во время спасения; тем не престай за ны молящи Державо и Прибежище душам нашим".

Песнь 4-я. Ирмос: "Христос моя сила..."

"В руку Твоею, Владыко Христе, содержйши превышше небесныя и поднебесныя воды и теплоту солнечную. Темже молим Тя: обое по мере требования даруй на пользу рабом Твоим".

"Слава": "Исповедающым Твое владычество, Строителю всея твари, Христе, содержай скйпетро небесное, и окропляяй всю тварь, подаждь благорастворенныя воздухи и обилие земли, молитвами Пречистыя Твоея Матери".

"И ныне", Богородичен: "Великое дерзновение имаши к Рождшемуся из Тебе, яко никтоже ин; тем, Владычице, молися о рабех Твоих, избавитися нам от глада и от нашествия иноплеменник".

Песнь 5-я. Ирмос: "Божиим светом Твоим, Блаже..."

"Плавающих Пристанище, и Надеждо ненадежных, Христе, властей утверждение, и всех христиан в бедах скорый послушателю; услыши и нас ныне, и подаждь ведро к плодоношению земли".

"Слава": "Врачу болящих, и скорбящих утешителю, Небесный Царю Христе, призри с высоты Святаго Твоего жилища, и услыши плач и стенание рабов Твоих, и, яко щедр, подаждь ведро к плодоношению земли".

"И ныне", Богородичен: "Скоро приими, Госпоже, молитву рабов Твоих, не поминающи наши безчисленная злая: и испроси нам, Дево, ведро на пользу к плодоношению земли".

Песнь 6-я. Ирмос: "Житейское море..."

"Молением пророка Твоего, Господи, затворил еси небеса три лета и месяцей шесть, к познанию и покаянию противных; егоже ныне от нас, Господи, не истязуй, но милостию Твоею ущедри ны".

"Слава": "Приимый разбойничо покаяние, Христе, и того единем часом спасый вопиюща: помяни мя, Спасе, во Царствии; и нас нынб в покаянии Ти припадающих пощади и помилуй".

"И ныне", Богородичен: "Помолися о нас, Владычице, к Сыну Твоему и Богу, да не якоже при Нои лиянием водным, грех ради наших, растлит нас; но якоже ниневитяны покаявшыяся помилует".

Диакон произносит обычную малую ектению, священник возглашает: "Яко Ты еси Царь мира..." По возгласе - кондак, глас 2-й: "Не отрини до конца согрешшыя люди Твоя, Владыко, ниже отстави милости и щедроты Твоя от нас; но яко бездна сын щедрот, и милосердия пучина, приими мольбы наша, и избави нас от належащия беды и нужды, Един бо еси благоуветлив".

За кондаком следует степенна, антифон 1-й 6-го гласа: "На небо очи мои возвожу к Тебе, Слове, ущедри мя, да живу Тебе. Помилуй нас, уничиженных, устрояя благопотребныя Твоя сосуды, Слове. Святому Духу всякая всеспасительная вина; аще коему сей по достоянию дхнет, скоро вземлет от земных, восперяет, возращает, устрояет горе".

Затем следует прокимен, глас 4-й: "Спаси мя, Боже, яко внидоша воды до души моея", со стихом: "Углебох в тимении глубины, и несть постояния". Также: "Всякое дыхание..." и читается Евангелие от Матфея, зачало 20-е "от полу".

По Евангелии на "Слава": "Отче, Слове и Душе, Троице Святая, очисти множества грехов наших". На "И ныне": "Молитвами Богородицы, Милостиве, очисти множества согрешений наших. Помилуй мя, Боже, по велицей милости Твоей, и по множеству щедрот Твоих очисти беззаконие мое". После этого поется стихира, глас 6-й:

"Страшен еси, Господи, и кто стерпит праведный Твой гнев: или кто Тебе умолит, Благий, о людей согрешших и отчаявшихся; токмо небеснии ангели, начала и власти, престоли и господствия, херувими и серафими, непрестанно Тебе вопиющий: Свят, Свят, Свят еси. Господи. Тем, Пресвятый Владыко, дела руку Твоею не презри; но за милосердие Твоея милости, спаси люди Твоя, и град погибающий".

"Слава, и ныне", Богородичен: "Никтоже притекаяй к Тебе посрамлен от Тебе исходит, Чистая Дево Богородице; но просит благодати и приемлет дарования на пользу прошением".

Священник: "Спаси, Боже, люди Твоя...", хор: "Господи, помилуй" (12 раз), священник: "Милостию и щедротами..."

Песнь 7-я. Ирмос: "Росодательну убо пещь содела ангел..."

"Никогдаже отлучайся нас, Спасе щедрый, яко пастырь овец своих, но присно с нами неотлучно пребывая, от всяких бед свободи верно ти от сердца вопиющих: благословен еси Боже, и препрославленный".

"Слава": "Ты, Боже Всесильный и Царю Пресвятый, пропный небо, яко кожу, и море песком оградивый, поели нам теплоту солнечную, и благорастворенны воздухи, верно ти вопиющым: благословен еси, Боже, и препрославленный".

"И ныне", Богородичен: "Научи, Владычице, язык мой глаголати полезная, надежде всем концем земли, и молися Сыну Си и Богу, подати ведро на земли, и ущедрити Христу вопиющих: благословен еси, Боже, и препрославленный".

Песнь 8-я. Ирмос: "Из пламене преподобным росу источил еси.."

"Чйи раби и создание есмы? не Твои ли, Превечный Боже? услыши убо наша молитвы худыя, и испусти ведро на земли, и росу полезную: да Тя превозносим во вся веки".

"Слава": "Рекл еси, Милостивый Владыко, наказуя нас к покаянию: ищите, и обрящете; толцыте, и отверзется вам; просите, и приимете. Темже к Тебе припадаем, и прилежно молим: пощади нас, Милостиве, превозносящих Тя во вся веки".

"И ныне": "Чистая Владычице Богородице, избави молитвами си люди Своя от страсти и брани всякия, подающи обильныя милости, и плоды на пищу чтущым Тя, и превозносящым во вся веки".

Песнь 9-я. Ирмос: "Бога человеком не возможно видети .."

"Павел покаявся от гонительства, сосуд избранен бысть Тебе, Владыце и Богу всех; и мы, грешнии, надеющеся Твоему милосердию, в покаянии Тебе вопием: прости вся согрешения наша и поели ведро земли, и росу благую и полезную, молитвами Пречистыя Ти Матере".

"Слава": "Верховный ученик" Твой, Петр, трижды отвергся Тебе, плачем горьким обрете у Тебе, Милосерде Христе, прощение; и мы того ревнующе покаянию, Тебе во умилении со слезами вопием: согрешихом, прости, Милосерде, и избави нас от всякаго зла, молитвами Пречистыя Ти Матере".

"И ныне", Богородичен: "Избави ны, Пречистая, от всякаго злаго обстояния, и от безгоднаго лияния дождевнаго, нашедшаго ныне на ны, и испроси свыше у Сына Ти и Бога подати благовременное ведро рабом Своим, и изобильный плод земный на пищу людем: да Тя непрестанно величаем".

Катавасия: "Избави от бед...", "Спаси от бед...", "Достойно есть...", Трисвятое по "Отче наш..." - тропарь: "Помилуй нас, Господи, помилуй нас...", "Слава": "Господи, помилуй нас...", "И ныне": "Милосердия двери отверзи нам..."

Диакон произносит ектению: "Помилуй нас. Боже...", в которую включаются специальные прошения: "Еще молимся о еже отвратити от нас всяк гнев Свой, праведно движимый на ны, и простити нам всякое согрешение вольное же и невольное, и помиловати нас, недостойных рабов Своих, в сердце сокрушенном рцем вси: Господи, услыши и помилуй".

"Еще молимся о еже услышати Господу Богу глас молитвы нашея, и помиловати нас, и послати благовременное ведро на земли, и утешити нас, скорбных рабов Своих, рцем вси со слезами: услыши, Милостиве, и помилуй".

"Собираяй воды во облацех от концев земных, повелением Твоим удержи я, и пусти ведро на земли, со умилением молим Ти ся, Всещедрый Владыко, услыши и милостивно помилуй".

"Призываяй воду морскую, и сию паки всемогущею силою Твоею удержати могий, и просветити поднебесную, в покаянии молим Ти ся, Всемилостиве Господи, услыши, и человеколюбно помилуй".

"Ведро вольное пусти, Господи, на земли, и от истления скоро избави нас, болезненным сердцем молим Ти ся, услыши и щедростно помилуй".

"Посещаяй землю, и умножаяй жита ея, прозябаяй же пажить скотом, и траву на службу человеком, помилуй человеки и скоты, и запрети безгодному дождевному лиянию, солнцу же благовременно возсияти на земли и умножити плоды ея повели, молим Ти ся, Благоутробне Господи, услыши и, яко благ, помилуй".

"Яко очи раб в руку господий своих, тако очи наши к Тебе, Боже наш, верою взирают, дондеже ущедриши ны. Темже не погуби нас безмерною мокротою, но милостивно призри на ны ведром, и щедротно помилуй".

"Осияваяй солнце на злыя и благая, и подаваяй ведро, и росу благоплодоносну, и благорастворныя воздухи на пользу созданию Твоему, не яростию Твоею накажи нас, но милостивно умножи семена земная и плоды ея, в покаянии молим Ти ся, Человеколюбче Господи, услыши и, яко щедр, помилуй".

"Одеяйся светом, яко ризою, возсияй свет солнечный на земли нашей, и изсуши излишнюю мокроту ея ко изобильному плодоношению, молим Ти ся, услыши и милостивно помилуй".

"Не помяни беззаконий наших, Владыко, аще бо беззакония назриши, никтоже постоит пред Тобою; но скоро да предварят ны щедроты Твоя, Господи, яко обнищахом зело; да не растлит нас безведрие, и до конца да не погубит, молим Ти ся, скоро услыши и милостивно помилуй".

"Упование и спасение православно в Тя верующих, Господи, избави град сей (обитель сию, весь сию) и всяк град, и страну от глада, губительства, труса, потопа, огня, меча, нашествия иноплеменных, и междоусобныя брани, и всякия смертоносныя язвы, и милостив, и тих, и благоуветлив буди, Человеколюбче, о гресех наших, и помилуй нас; и отврати весь гнев Твой праведно движимый на ны, и избави нас належащаго праведнаго прещения Твоего, и просвети благодатию Твоею всю поднебесную к плодоношению земли, и ко окормлению жития нашего, рцем вси со слезами: Господи Святый, скоро услыши и милостивно помилуй".

Хор: "Господи, помилуй" (трижды), диакон: "Со умилением вси, колена преклонше, Господу помолимся", хор: "Господи, помилуй" (трижды), священник громко читает молитву: "Владыко Господи Боже наш, древле ревнителя Илии, пророка Твоего, мольбу послушавый, и еже на время дождь удержати изволивый; и ныне. Человеколюбивый Творче и Милостивый Господи, призри на нас, смиренных и недостойных рабов Твоих, смиренныя мольбы, и, яко щедр, презри наша прегрешения, и умолен быв от самого Твоего человеколюбия, подаждь ведро достоянию Твоему, и солнце просвети на требующыя и просящыя от Тебе милости; возвесели лице земли нищих ради людей Твоих, младенец же и скот и иных всех животных, ихже насыщаеши Твоим благоволением, и даеши пищу им во благо время. Ей, Господи Боже наш, не отрини вотще мольбу нашу, ниже посрами нас от чаяния нашего, но пощади нас по милости Твоей, и посети щедротами Твоими, исчезают бо всуе дние наши, и оскудевает в болезни живот наш. Не погуби убо нас беззаконий ради наших, имиже негодование и ярость Твою на себе привлекохом; но сотвори с нами по тихости Твоей, и по множеству милости Твоея. Се бо душею сокрушенною, и духом смиренным пред Тобою припадаем, и яко раби непотребнии, паче же большия казни достойни, в покаянии умиленно Тебе вопием: согрешихом, и беззаконновахом, и прегрешихом во всем, заповеди Твоя преступающе и сего ради вся, яже наводиши на ны, истиною и судом наводиши. Но не до конца тлению, гладу же и погибели предаждь нас, ниже да потопит нас буря водная; но во гневе милости помяни, и туне щедрот Твоих ради умилостивися, и Твое создание и дело рук Твоих, яко благ, помилуй, и от всякаго зла скоро избави".

Священник возглашает: "Твое бо есть, еже миловати и спасати нас...", хор: "Аминь", диакон: "Премудрость", и бывает отпуст дневной обычный или праздничный.

Молебное пение от наводнения

Начало молебного пения от наводнения обычное: диакон возглашает: "Благослови, владыко", священник: "Благословен Бог наш...", хор: "Аминь", "Царю Небесный...", чтец: Трисвятое, "Пресвятая Троице...", "Отче наш...", священник: "Яко Твое есть Царство...", чтец: "Аминь", "Господи, помилуй" (12 раз), "Слава, и ныне", "Приидите, поклонимся" (трижды), псалом 142-й: "Господи, услыши молитву мою...", "Слава, и ныне", "Аллилуиа" (трижды). Диакон произносит великую ектению: "Миром Господу помолимся" с дополнительными прошениями: "О еже не в гневе прещения Своего погубити нас грех ради и беззаконий наших, но милости и щедроты Своя от века сущыя помянути, и помиловати нас, Господу помолимся".

"О еже не по грехом нашим воздати нам, ни по беззакониям нашим наказовати нас, но по велицей милости Своей, и по многим щедротам Своим явити на нас скорое Свое человеколюбие и благость, Господу помолимся".

"О еже помянути Завет Свой, иже к Ною, и не погубити нас безгодною влагою, и бурным ветров дыханием, но милостивно пощадити достояние Свое, и належащую бурю (морскую) и смятение воздуха укротити, и ветром дати временное и мирное дыхание, Господу помолимся".

"О еже милостивно услышати глас молитвы нашея, и избавити нас от глада, губительства...", "О избавитися нам от всякия скорби...", "Заступи, спаси...", "Пресвятую, Пречистую..."; священник возглашает: "Яко подобает Тебе всякая слава...", хор: "Аминь".

На "Бог Господь" тропари: "Помилуй нас, Господи, помилуй нас...", "Слава": "Господи, помилуй нас...", "И ныне", Богородичен: "Милосердия двери отверзи нам..."

Затем "со сладкопением" поются псалмы 6-й, 101-й, 129-й и 50-й. Перед 6-м псалмом, так же 6-м гласом, как и все псалмы, поется тропарь: "Благоутробне, Долготерпеливе и Всещедрый Господи, низпосли милость Твою на люди Твоя". После 6-го псалма на "Слава" - тропарь: "Яко щедрый, Господи, умилосердися на люди Твоя и яко долготерпелив презри прегрешния наша, и помилуй ны", на "И ныне", Богородичен: "Пресвятая Владычице, Всепетая, Благословенная, яко Влаголюбивая, заступи и помилуй ны", ектения малая: "Паки и паки...", "Заступи, спаси...", "Пресвятую, Пречистую...". Возглас: "Яко Твоя держава...", хор: "Аминь" и тропарь перед 101-м псалмом: "Милостиве, помилуй, помилуй, помилуй нас, Господи", после этого псалма на "Слава" - тропарь: "Яко щедрый, Господи, умилосердися на люди Твоя, и яко долготерпелив, презри прегрешения наша, и помилуй ны", на "И ныне" - Богородичен: "Пречистая Владычице, Всепетая, Благословенная, яко Влаголюбивая, заступи и помилуй ны". Ектения малая: "Паки и паки...", возглас: "Яко Благ и Человеколюбец...", хор: "Аминь" и тропарь перед 129-м псалмом на 6-й глас: "Яко щедрый, Господи...", после псалма на "Слава" этот же тропарь, а на "И ныне" тот же Богородичен, что после предыдущих псалмов.

Псалом 50-й, после которого - "канон покаянный ко Господу нашему Иисусу Христу", глас 6-й: Песнь 1-я. Ирмос: "Помощник и покровитель..."

Припев: "Помилуй мя, Боже, помилуй мя".

"Избавитель мой Иисусе, якоже очистил еси от многих прегрешений блудницу, иногда покаявшуюся сокрушенно, молюся Ти, и мене очисти от безчисленных зол моих, яко милостив".

"Плавая в суетнем помышлении жития, Иисусе, в лютой сей пучине, во истопление впадох многая, от нихже избавив, спаси мя".

"Слава": "Разреши мя, Слове, от соуз безчисленных моих зол, да свободно шествую в покаянии праведныя стези Твоя, в Божественное наставляющыя покоище вечных радостей".

"И ныне": "Покаяния ми, Дево, покажи пути, и на отводящыя мя от греха возврати стези; да Тя пою многопетую Божию Родительницу".

Песнь 3-я. Ирмос: "Утверди, Господи, на камени заповедей Твоих..."

"Милостивным Твоим оком призри на мя, егда хощу пред Тобою предстати и судитися, Едине благопременителю. Господи".

"Воздыхающа мя приими, якоже мытаря, из глубины душевныя, и покаяние ми даруй, Спасе, греха всякаго мя избавляющее".

"Слава": "Скверны злобныя омыв моего сердца, и явитися ми непорочну пред Тобою в день страшный сподоби, Христе мой, яко преблагий".

"И ныне": "Низпадшым исправление, Богородице, падшаго мя воздвигни из рова зол моих; и утверди, Владычице, на камени заповедей Божиих".

Катавасия: "Избави от бед..."

По 3-й песни обычная сугубая ектения без дополнительных прошений.

Песнь 4-я. Ирмос: "Услыша пророк пришествие Твое, Господи..."

"Токи слез даждь ми, изсушающыя страстей моих источники, и греха всякаго тимения омывающыя щедре, Многомилостиве, и угашающыя огня геенскаго венчающий пламень неугасимый".

"Непрестанно чешу струны души моея сластолюбием, и пребываю неисцелен, в чувство сам прийти не хотя, кто буду? и что сотворю? Христе щедрый, исцелив, спаси мя".

"Слава": "Прельсти мя вкушением греховным враг льстец, и от Тебе, Блаже, далече удали, и зубом своим снедь содела мя: Едине Спасе, потщися изъяти мя".

"И ныне": "Всепетая Владычице, велегласно воспевающаго Ти исполни всякия радости мою мысль, подающи ми плач утешный, и покаяния сладость и разум спасения".

Песнь 5-я. Ирмос: "От нощи утренююща..."

"Се, иже талант Твой сокрый, Христе, ленивый раб Твой, и упразднивыйся лукавыми страстей деяний, предстою Тебе кающися; тем же не поели мене во огнь".

"Твой сын быв благодатию, Благоутробне Христе, поработихся врагу, и от Тебе удалихся жив блудно; темже обратив мя спаси".

"Слава": "Иже блудницу очистивый, и прокаженныя Твоим повелением, Содетелю всяких, сквернаго греха смиренную душу мою очисти, и одеждами блистающими красну соделай, Владыко, молюся".

"И ныне": "Врата непроходимая, отверзи ми врата, молюся, покаяния истиннаго; и покажи ми стезю покаяния, Чистая, всех Наставнице".

Песнь 6-я. Ирмос: "Возопих всем сердцем моим..."

"Не покажи мене бесом обрадование в день страшный, Христе Иисусе, да не услышу тогда гласа отсылающаго во огнь геенский".

"Погрузи мя во глубине прегрешений, иже праведных враг; но к щедрот Твоих притекаю пучине, Иисусе, к пристанищу жизни ныне направи мя".

"Слава": "Яко мытарь воздыхаю, якоже блудница слезю, яко Петр вопию, многими погружаемь прегрешении, Христе; помощи ми руку даждь, и спаси мя".

"И ныне": "Святая Богородице, яже Святое Слово рождшая плотию, Единаго освящающаго всех святых, освяти мой ум в лукавых делех присно пребывающий".

Катавасия: "Избави от бед..."

Диакон произносит обычную малую ектению без добавлений: "Паки и паки...", священник возглашает: "Яко Твоя держава...", хор: "Аминь", далее - прокимен, глас 8-й: "Господи, да не яростию Твоею обличиши мене, ниже гневом Твоим накажеши мене" со стихом: "Не отврати лица Твоего от отрока Твоего", "Премудрость", Апостол ко Евреем, зачало 331-е "от полу", после Апостола - "Аллилуиа" (трижды) со стихом: "Боже, отринул ны";

Евангелие от Матфея, зачало 27-е.

Песнь 7-я. Ирмос: "Согрешихом, беззаконовахом..."

"Взираю на милость Твою безмерную, безмерно согрешивый, вем Твое милосердие, вем долготерпение и незлобие: покаяния ми даруй плоды, щедрый Христе, и спаси мя".

"Уврачуй, Щедре, сердца моего неисцельная страсти, даруй отпущение долгов моих, тяжкое бремя облегчи, да во умилении Тя славлю присно отцев Бога".

"Слава": "В беззакониях зачат и родихся, окаянный, и согреших паче всех человек; но обращения ми подаждь время исправляющее мя".

"И ныне": "Емуже предстоят с трепетом небеснии чини, Того родила еси, Чистая, примирившагося человеком за благость; Егоже прилежно моли ущедрити рабы Твоя".

Песнь 8-я. Ирмос: "Егоже воинства небесная славят..."

"Взираю на великое богатство щедрот Твоих, Христе, и якоже Давид, согрешив паче онаго, зову со онем: Едине Милостиве, помилуй мя вскоре".

"Конец благ быти ми молюся, положити же предел лукавым деянием; егда же конец не усердствую, ожесточенное имея мое сердце, Сам обрати мя, Божий Слове".

"Слава": "Руце всякими осквернила еси злодеяньми, душе моя: и како тех воздеваеши на высоту беседующи Богу? нозе блазненне сотворила еси, на дела ходящи студная: како не обращаешися ходити покаянием в пути спасительныя".

"И ныне": "Волнуема мя бурею греховною, вопию Ти, Владычице Чистая, Твоим ходатайством направи мя ко спасительному покаянию и ко всеутишному пристанищу, яко да увижу свет спасения, омрачаемый присно леностию".

Песнь 9-я. Ирмос: "Безсеменнаго зачатия..."

"Иисусе Человеколюбче, Едине немощь нашу ведый, в сию бо облеклся еси милосердия ради, хотя сию подкрепити; темже утверди нас на пути спасения, и скверны лукавыя, и гноения зол моих очисти, и спаси мя".

"Яко блудница, слезы вместо дел приношу Ти, Человеколюбче; яко мытарь, стеня, покаянием взываю Ти; якоже хананеа, со смирением вопию; и якоже Петр покаявшийся, прощения умоляю".

"Слава": "Да и аз спасаемь благодарственно Тебе, Христе, величаю, призри на мя, многи раны от душевреднаго врага на плещу приемшаго, и исцели яко в разбойники впадшаго, вино на них и елей возливая Твоего, Спасе, благоутробия".

"И ныне": "Просветительными молениями, Всенепорочная, к рожденному от Тебе Сыну Божию, верою поющыя Тя просветити. и тьмы нас кромешния, и вечныя муки измй, Твоим предстательством".

Хор: "Достойно есть...", чтец: Трисвятое по "Отче наш..." После возгласа священника - тропарь: "Заступнице усердная..." Диакон произносит ектению: "Помилуй нас, Боже..." со специальными прошениями: "Достойная казнем сотворихом, и праведный суд Твой постиже нас, Господи; но пощади, пощади люди согрешшыя, и отврати гнев Твой праведно на ны движимый, в покаянии к Тебе припадаем, и смиренно молим Тя, услыши и помилуй".

"Да не потопит нас, Господи, буря водная, и да не растлиши землю, и гладом уморйши нас, людей Твоих; но яко благ устави водное стремление, и мерному онаго течению с благорастворенными воздухи быти яко силен повели, к Тебе богатому в милости и безмерному в щедротах, сердцем сокрушенным молим Ти ся, услыши и помилуй".

"Еще молимся, о еже сохранитися граду сему, и всякому граду и стране от глада, губительства, труса, потопа..."

"Еще молимся, и о еже услышати Господу Богу..."

Священник возглашает: "Услыши ны, Боже, Спасителю наш..."

Хор: "Аминь", диакон: "Вонмем, и во умилении сердца, колена душ и телес наших преклоньше, Господу помолимся".

Священник громко читает молитву: "Господи, едине в милости богатый и утробами благости приклоняяйся к молением нас, грешных и недостойных раб Твоих, вся наша полезно строяй, и премудрым Твоим Промыслом житие наше исправляяй, и всяким образом спасения нашего желаяй, естеством долготерпелив сый и многомилостив, наказуяй, и паки милуяй, и наказание во благо нам обращаяй, не во еже погубити создание рук Твоих, но паче еже к начальной доброте паки привести, и всеми образы смотряяй. еже паки спасти и падшее от падежа возставити. Сам, Владыко Вседержителю, призри на ны и вонмй молением нас, грешных, аще бо множество беззаконий наших недерзновенны нас сотвори и ниже смети отнюд просити прощения о прегрешениих, но ведуще Твое человеколюбие, благоутробие, многую милость, долготерпение, беззлобие и премногую благость, дерзающе на множество сих и на богатство благости Твоея, воздеем руце и прилежно вопием Ти: согрешихом, беззаконновахом, нечествовахом, забыхом заповеди Твоя и в след мысли нашея лукавыя ходихом, и, яко недостойно званию и Евангелию Христа Твоего, жительствовахом, ниже святым Его отрастем. и еже о нас истощанию последовахом, яко быхом поношение имени христианскому и Церкви, вси вкупе уклонихомся, непотребни быхом, несть творяй благостыню, суд и правду, несть до единаго. Темже затворихом щедроты Твоя и человеколюбие Твое, и утробы милости Бога нашего, злобы ради нашея и лукавства начинаний. Ты благ еси, но мы люте беззаконновахом: Ты долготерпелив, но мы нераскаянни пребыхом: вемы же Твою благость, аще и неразумиви есмы: ныне исповедуем, яко мало, о нихже согрешихом, биени быхом. Веруем, яко Ты страшен еси, и кто противостанет Ти? Трепет приимут от Тебе горы, и величеству мышцы Твоея кто противоречет? Аще заключиши небо, кто отверзет? И аще отверзеши хляби Твоя, кто отвратит? Легко есть пред очима Твоима оскудити и обогатити, оживити и умертвити, поразити и исцелити, но мы всякия казни достойни сотворихомся: мы согрешихом, Ты же праведно разгневался еси. Но престани, Господи, от гнева, ослаби, Господи, умилостивися, Господи, и не предаждь нас до конца беззаконий ради наших: милость бо Твоя неизреченна, и человеколюбие Твое непобедимо, и богатство благости Твоея неистощимо и неоскудеемо: на няже и дерзающе, молимся и мили ся деем, прекланяюще колена сердец наших: укроти ярость Твою праведную и даждь алчущым пищу, нагим одеяние, сиротам пристанище, страждущым здравие, немощствующым крепость, всяк недуг, и всякую язю, и всяку нужду и скорбь отжени от людей Твоих: всех же от напасти свободи, соблюдаяй безнаветны по бывшей скорби, и сохраняяй вседержительною Твоею рукою всегда неприкосновенны от лютаго сего озлобления и губительнаго сокрушения. Аще же обратимся на беззакония, Ты Сам направи от лукавыя совести всех нас к покаянию и даждь во всяком благодеянии благоугодити Тебе, молитвами неискусомужно Тебе рождшия Пречистыя Богоматере, Приснодевы Марии, предстательствы святых и хранителей наших ангел. Яко Ты еси милости источник и благоутробия неизследимая пучина, и Тебе славу возсылаем, со Безначальным Твоим Отцем, и с Пресвятым, и Благим, и Животворящим Твоим Духом, ныне и присно, и во веки веков, аминь".

После молитвы - диакон: "Премудрость", священник делает отпуст с Крестом, по отпусте - многолетие (трижды).