Молитва преподобного Сергия Радонежского на основание монастыря Высоцкого  (2 декабря 1374 г.) 

Всецарю Вышний, в Триех Ипостасех Единый Боже, Отче, Сыне, и Душе Святый! Твоя есть земля и исполнение ея, и концы земнии в руках Твоих, Господи, призри на место сие благодатию Твоею, посли помощь свыше и благословение, и сотвори оное в прибежище любящим Тя, и обучение монашеское в нем устрой, лобызающим ангельский преданный образ совершенно. Даждь служащим Тебе и работающим, и живущим вседушно на месте сем образ Твой и подобие в душе и теле, еже сотворил и создал еси руками Твоими, соблюдати: непрестанно хвалити же Тя во псалмех и песнех духовных присно, и величати Царицу Небесную, Пречистую Деву Богородицу Марию, и вся святыя Твоя, сподоби люди Твоя живущия и приходящая семо, да имя Твое святое славится день и нощь, во веки веков. Аминь.