| Священник: |
Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии. |
| | Комментарии
Молитвенное поминовение святых угодников
Божиих имеет целью свидетельствовать плоды
Голгофской Жертвы Христа Спасителя.
После того, как священник от лица верующих вознес
молитву Богу о почивших в вере праотцах, отцах,
патриархах, пророках, апостолах, евангелистах,
мучениках, исповедниках, постниках и всякой
праведной душе, достигшей конца земного поприща,
он воспоминает в особенности (слав. - "изрядно") о
Богоматери, как ближайшей к Богу из всех людей и
Предстательнице за род человеческий пред Сыном
Божиим.
Богослужебные действия
Священник принимает от диакона кадильницу и,
покадив ею трижды по трижды пред престолом,
возглашает: Изрядно о Пресвятей, Пречистей,
Преблагословенней, Славней Владычице нашей
Богородице и Приснодеве Марии - и отдает
кадильницу диакону, который, продолжая каждение,
кадит престол с остальных трех сторон, горнее
место, алтарные иконы и отлагает кадильницу.
(Некоторые полагают, что каждение священника
относится к и Святым Дарам, а не к престолу, и
поэтому диакону надлежит кадить престол и с
передней стороны.) | | |
|
| Хор: |
 Достойно есть,
яко воистинну блажити Тя, Богородицу, Присноблаженную и Пренепорочную
и Матерь Бога нашего. Честнейшую Херувим и славнейшую без сравнения Серафим,
без истления Бога Слова рождшую, сущую Богородицу Тя величаем. |
| Священник: |
В первых помяни, Господи, Великаго Господина и Отца нашего Алексия, Святейшаго Патриарха Московскаго и всея Руси, и Господина нашего Преосвященнейшаго митрополита (или: архиепископа, или: епископа; титул епархиального архиерея), ихже даруй Святым Твоим Церквам в мире, целых, честных, здравых, долгоденствующих, право правящих слово Твоея истины. |
| Хор: |
И всех и вся. |
| Священник: |
И даждь нам единеми усты и единем сердцем славити и воспевати пречестное и великолепое Имя Твое, Отца, и Сына, и Святаго Духа, ныне и присно, и во веки веков. |
| Хор: |
Аминь. |
| Священник: |
И да будут милости Великаго Бога и Спаса нашего Иисуса Христа со всеми вами. |
| Хор: |
И со духом твоим. |
| Диакон: |
Все святыя помянувше,
паки и паки миром Господу помолимся. |
| Хор: |
Господи, помилуй. |
| Диакон: |
О принесенных и освященных Честных Дарех Господу помолимся. |
| Хор: |
Господи, помилуй. |
| Диакон: |
Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную благодать и дар Святаго Духа, помолимся. |
| Хор: |
Господи, помилуй. |
| Диакон: |
О избавитися нам от всякия скорби, гнева и нужды Господу помолимся. |
| Хор: |
Господи, помилуй. |
| Диакон: |
Заступи, спаси, помилуй и сохрани нас, Боже, Твоею благодатию. |
| Хор: |
Господи, помилуй. |
| Диакон: |
Дне всего совершенна, свята, мирна и безгрешна у Господа просим. |
| Хор: |
Подай, Господи. |
| Диакон: |
Ангела мирна, верна наставника, хранителя душ и телес наших у Господа просим. |
| Хор: |
Подай, Господи. |
| Диакон: |
Прощения и оставления грехов и прегрешений наших у Господа просим. |
| Хор: |
Подай, Господи. |
| Диакон: |
Добрых и полезных душам нашим и мира мирови у Господа просим. |
| Хор: |
Подай, Господи. |
| Диакон: |
Прочее время живота нашего в мире и покаянии скончати у Господа просим. |
| Хор: |
Подай, Господи. |
| Диакон: |
Христианския кончины живота нашего, безболезненны, непостыдны, мирны и добраго ответа на Страшнем судищи Христове просим. |
| Хор: |
Подай, Господи. |
| Диакон: |
Соединение веры и причастие Святаго Духа испросивше, сами себе, и друг друга, и весь живот наш Христу Богу предадим. |
| Хор: |
Тебе, Господи. |
| Священник: |
И сподоби нас, Владыко, со дерзновением, неосужденно смети призывати Тебе, Небеснаго Бога, Отца, и глаголати: |
Хор (или
все молящиеся): |
 Отче
наш, Иже еси на небесех! Да святится имя Твое, да приидет Царствие Твое,
да будет воля Твоя, яко на небеси и на земли. Хлеб наш насущный даждь
нам днесь, и остави нам долги наша, якоже и мы оставляем должником нашим,
и не введи нас во искушение, но избави нас от лукаваго. |
| Священник: |
Яко Твое есть Царство, и сила, и слава. Отца, и Сына, и Святаго Духа, ныне и присно, и во веки веков. |
| Хор: |
Аминь. |
| Священник: |
Мир всем. |
| Хор: |
И духови твоему. |
| Диакон: |
Главы ваша Господеви приклоните. |
| Хор: |
Тебе, Господи. |
| Священник: |
Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно, и во веки веков. |
| Хор: |
Аминь. |
| Диакон: |
Вонмем. |
| Священник: |
Святая святым |
| Хор: |
Един Свят, един Господь Иисус Христос, во славу Бога Отца. Аминь |
