БОГОСЛУЖЕНИЕ БОГОСЛУЖЕБНЫЕ ПЕСНОПЕНИЯ СТАТЬИ ФОТО И ВИДЕО ЗАДАТЬ ВОПРОС ССЫЛКИ

Стихиры на " Хвалите "
Хор:	1 глас Поем Твою, Христе, спасительную страсть и славим Твое Воскресение. 2 глас Всякое дыхание и вся тварь Тя славит, Господи, яко Крестом смерть упразднил еси, да покажеши людем еже из мертвых Твое Воскресение, яко Един Человеколюбец. 3 глас Приидите, вси языцы, уразумейте страшныя тайны силу: Христос бо Спас наш, Еже в начале Слово, распятся нас ради, и волею погребеся и воскресе из мертвых, еже спасти всяческая, Тому поклонимся. 4 глас Крест претерпевый и смерть и воскресни из мертвых, Всесильне Господи, славим Твое Воскресение. 5 глас Господи, запечатану гробу от беззаконников, пришел еси из гроба, якоже родился еси от Богородицы. Не уразумеша, како воплотился еси, безплотнии Твои Ангели; не чувствоваша, когда воскресл еси, стрегущии Тя воини. Обоя бо запечатлестася испытующим, явишася же чудеса кланяющымся верою таинству, еже воспевающым, воздаждь нам радость и велию милость. 6 глас Крест Твой, Господи, жизнь и воскресение людем Твоим есть, и надеющеся нань. Тебе, Воскресшаго Бога нашего, поем: помилуй нас. 7 глас Воскресе Христос из мертвых, разрушь смертныя узы; благовести, земле, радость велию, пойте, небеса, Божию славу. 8 глас Господи, аще и судилищу предстал еси от Пилата судимый, но не отступил еси от Престола со Отцем седя, и воскрес из мертвых, мир свободил еси от работы чуждаго, яко Щедр и Человеколюбец.
На " Хвалите " стихиры воскресны на 6 (глас 6)
Хор:	Крест Твой, Господи, жизнь и воскресение людем Твоим есть, и надеющеся нань, Тебе, Воскресшаго Бога нашего, поем: помилуй нас.
Чтец:	(псалом 150-й): Хвалите Бога во святых Его!
Хор:	Хвалите Его во утверждении силы Его! Погребение Твое, Владыко, рай отверзе роду человеческому: и от истления избавльшеся, Тебе, Воскресшаго Бога нашего, поем: помилуй нас!
Чтец (на 4):	Хвалите Его на силах Ero!(по делам могущества Его!).
Хор:	Хвалите Его по множеству величествия Его! Со Отцем и Духом Христа воспоим Воскресшаго из мертвых и к Нему вопиим: Ты живот еси наш и воскресение: помилуй нас!
Чтец:	Хвалите Его во гласе трубнем.
Хор:	Хвалите Его во струнах и органе! Тридневен воскресл еси, Христе, от гроба, якоже писано есть, совоздвигнув праотца нашего. Тем же и Тя славит род человеческий и воспевает Твое воскресение.
Стихира восточна
Хор:	Господи! велие и страшно есть Твоего Воскресения таинство: тако бо произшел еси от гроба, яко жених от чертога, смертию смерть разрушивый, да Адама свободиши. Тем же на небесах ангели ликовствуют, и на земли человецы славят, еже на нас бывшее благоутробие Твое, Человеколюбче!
Чтец:	Слава, глас...
Хор:	Слава Отцу и Сыну и Святому Духу.
Утренняя стихира 1-я
Уставные указания В Октоихе, в воскресных службах, после стихир на "Хвалите", на "Слава" помещены одиннадцать утренних стихир, называемых также евангельскими; поются в соответствии с обычным евангельским чтением. Каждая евангельская стихира неизменно поется на один и тот же глас. Первые 8 стихир поются соответственно на 8 гласов; 9-я стихира - на глас 5, 10-я - на глас 6, 11-я - на глас 8. На "Слава" вместо утренних стихир поются стихиры празднику из Минеи или Триоди в праздники Богородичные и храмовые, совпавшие с воскресеньем; в Недели (воскресенья) святых отец перед Рождеством Христовым и в Неделю (воскресенье) по Рождестве Христовом; 7 января (по церковному календарю) в воскресенье; от Недели мытаря и фарисея до Недели Всех святых. В названные воскресенья утреннюю (евангельскую) стихиру следует петь после утрени перед 1-м часом. На "И ныне" в воскресные дни, если нет двунадесятого Господнего праздника, поется Богородичен, глас 2: "Преблагословена еси, Богородице Дево...". И отверзаются царские врата. В Господние праздники, даже если они совпадают с воскресеньем, - на "Слава, и ныне" вместо "Преблагословенна еси, Богородице Дево..." поется стихира празднику.
Хор:	На гору учеником идущим еже от земли вознесение, предста Господь: и поклонившеся Ему, и данныя власти везде научившеся, в поднебесную посылахуся проповедати еже из мертвых воскресение и еже на небеса возшествие: им же и во веки спребывати неложный обещался Христос Бог и Спас душ наших.
Хор:	Преблагословена еси, Богородице Дево, Воплощшим бо ся из Тебе ад пленися, Адам воззвася, клятва потребися, Ева свободися, смерть умертвися, и мы ожихом. Тем воспевающе вопием: благословен Христос Бог, благоволивый тако, слава Тебе!