Возглашением "Благодарим Господа" священник начинает совершение Святаго Таинства и внушает верующим воздать благодарение Богу, как и Сам Спаситель начал священнодействие Бескровной Жертвы, при ее установлении на Тайной вечери, благодарением Богу Отцу.
В молитве священник от лица всех верующих прославляет величие Божие, Его бесконечное совершенство и Его благодеяния роду человеческому.
Он благодарит за сотворение мира и человека, за искупление человека Сыном Божиим и за все милости, явные и тайные, благодарит Господа и за то, что Ему угодно принимать от нас службу сию, то есть литургию, хотя Ему предстоят архангелы и ангелы, херувимы и серафимы, "победную песнь поюще, вопиюще, взывающе и глаголюще". В таких выражениях ангельскую песнь слышал в видении св. пророк Исаия. В подобных же выражениях слышал ее и св. Иоанн Богослов.
Из Священного Писания известно, что св. Иоанн Богослов (Откр. 4, 7-8), и св. пророк Исаия (6, 1-3) созерцали славословящих Господа ангелов в образе орла, тельца, льва и человека.

По возгласе священника "Благодарим Господа" диакон переходит с южной к северной стороне престола, целует его, кланяется предстоятелю и становится у престола.Священник читает молитву:
На литургии св. Иоанна Златоустаго:
Достойно и праведно Тя пети, Тя благословити, Тя хвалити, Тя благодарити, Тебе покланятися на всяком месте владычествия Твоего, Ты бо еси Бог неизреченен, недоведомь, невидимь, непостижимь, присно Сый, такожде Сый Ты, и Единородный Твой Сын, и Дух Твой Святый. Ты от небытия в бытие нас привел еси, и отпадшыя возставил еси паки, и не отступил еси, вся творя, дондеже нас на Небо возвел еси и Царство Твое даровал еси будущее.
О сих всех благодарим Тя, и Единороднаго Твоего Сына, и Духа Твоего Святаго, о всех, ихже вемы и ихже не вемы, явленных и неявленных благодеяниих, бывших на нас. Благодарим Тя и о службе сей, юже от рук наших прияти изволил еси, аще и предстоят Тебе тысящы архангелов и тмы ангелов, Херувими и Серафими, шестокрилатии, многоочитии, возвышающийся, пернатии.
На литургии св. Василия Великого:
Сый Владыко, Господи Боже Отче Вседержителю покланяемый! Достойно, яко воистину, и праведно, и лепо великолепию святыни Твоея, Тебе хвалити, Тебе пети, Тебе благословити, Тебе кланятися. Тебе благодарити, Тебе славити, Единаго воистину Сущаго Бога, и Тебе приносити сердцем сокрушенным и духом смирения словесную сию службу нашу. Яко Ты еси даровавый нам познание Твоея истины. И кто доволен возглаголати силы Твоея, слышаны сотворити вся хвалы Твоя или поведати вся чудеса Твоя во всяко время. Владыко всех, Господи небесе и земли и всея твари, видимыя же и невидимыя, Седяй на престоле славы и призираяй бездны, безначальне, невидиме, непостижиме, неописанне, неизменне! Отче Господа нашего Иисуса Христа, великаго Бога и Спасителя, Упования нашего, Иже есть образ Твоея благости, печать равнообразная, в Себе показуя Тя, Отца, Слово живое, Бог истинный, превечная Премудрость, Живот, Освящение, Сила, Свет истинный, Имже Дух Святый явися. Дух истины, сыноположения дарование, обручение будущаго наследия, начаток вечных благ, животворящая Сила, Источник освящения, от Негоже вся тварь, словесная же и умная, укрепляема, Тебе служит и Тебе присносущное возсылает славословие, яко всяческая работна Тебе. Тебе бо хвалят ангели, архангели, Престоли, Господьствия, Начала, Власти, Силы и многоочитии Херувими. Тебе предстоят окрест Серафими, шесть крил единому и шесть крил другому, и двема убо покрывают лица своя, двема же ноги, и двема летающе, взывают един ко другому, непрестанными усты, немолчными славословеньми.