Wc6454a35ac4d.htm

Изрядно о Пресвятей, Пречистей, Преблагословенней, Славней Владычице нашей Богородице и Приснодеве Марии.

Хор:

Достойно есть, яко воистинну блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.

Священник:

В первых помяни, Господи, Великаго Господина и Отца нашего Алексия, Святейшаго Патриарха Московскаго и всея Руси, и Господина нашего Преосвященнейшаго митрополита (или: архиепископа, или: епископа; титул епархиального архиерея), ихже даруй Святым Твоим Церквам в мире, целых, честных, здравых, долгоденствующих, право правящих слово Твоея истины.

Хор:

И всех и вся.

Священник:

И даждь нам единеми усты и единем сердцем славити и воспевати пречестное и великолепое Имя Твое, Отца, и Сына, и Святаго Духа, ныне и присно, и во веки веков.

Хор:

Аминь.

Священник:

И да будут милости Великаго Бога и Спаса нашего Иисуса Христа со всеми вами.

Хор:

И со духом твоим.

Диакон:

Все святыя помянувше, паки и паки миром Господу помолимся.

Хор:

Господи, помилуй.

Диакон:

О принесенных и освященных Честных Дарех Господу помолимся.

Хор:

Господи, помилуй.

Диакон:

Яко да Человеколюбец Бог наш, приемь я во святый, и пренебесный, и мысленный Свой Жертвенник, в воню благоухания духовнаго, возниспослет нам Божественную благодать и дар Святаго Духа, помолимся.

Хор:

Господи, помилуй.

Диакон:

О избавитися нам от всякия скорби, гнева и нужды Господу помолимся.

Хор:

Господи, помилуй.

Диакон:

Заступи, спаси, помилуй и сохрани нас, Боже, Твоею благодатию.

Хор:

Господи, помилуй.

Диакон:

Дне всего совершенна, свята, мирна и безгрешна у Господа просим.

Хор:

Подай, Господи.

Диакон:

Ангела мирна, верна наставника, хранителя душ и телес наших у Господа просим.

Хор:

Подай, Господи.

Диакон:

Прощения и оставления грехов и прегрешений наших у Господа просим.

Хор:

Подай, Господи.

Диакон:

Добрых и полезных душам нашим и мира мирови у Господа просим.

Хор:

Подай, Господи.

Диакон:

Прочее время живота нашего в мире и покаянии скончати у Господа просим.

Хор:

Подай, Господи.

Диакон:

Христианския кончины живота нашего, безболезненны, непостыдны, мирны и добраго ответа на Страшнем судищи Христове просим.

Хор:

Подай, Господи.

Диакон:

Соединение веры и причастие Святаго Духа испросивше, сами себе, и друг друга, и весь живот наш Христу Богу предадим.

Хор:

Тебе, Господи.

Священник:

И сподоби нас, Владыко, со дерзновением, неосужденно смети призывати Тебе, Небеснаго Бога, Отца, и глаголати:

Хор (или
все молящиеся):

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь, и остави нам долги наша, якоже и мы оставляем должником нашим, и не введи нас во искушение, но избави нас от лукаваго.

Священник:

Яко Твое есть Царство, и сила, и слава. Отца, и Сына, и Святаго Духа, ныне и присно, и во веки веков.

Хор:

Аминь.

Священник:

Мир всем.

Хор:

И духови твоему.

Диакон:

Главы ваша Господеви приклоните.

Хор:

Тебе, Господи.

Священник:

Благодатию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно, и во веки веков.

Хор:

Аминь.

Богослужебные действия

Во время пения "Аминь" священник читает тайно другую молитву (одна и та же для обеих литургий), в которой просит Господа Иисуса Христа, чтобы Он Сам преподал ему и служащим с ним Тело и Кровь Свою, и чрез него-и всем верующим:
Вонми, Господи Иисусе Христе, Боже наш, от Святаго жилища Твоего и от престола славы Царствия Твоего и прииди во еже освятити нас, Иже горе со Отцем седяй и зде нам невидимо спребываяй. И сподоби державною Твоею рукою преподати нам Пречистое Тело Твое и Честную Кровь, и нам и всем людем.
Диакон, стоя пред царскими вратами, препоясуется орарем крестообразно, показывая этим готовность послужить при совершении Святой Евхаристии (на практике препоясуются иногда во время пения "Отче наш...").

После прочтения тайной молитвы "Вонми, Господи Иисусе Христе, Боже наш..." священник читает трижды тайно: Боже, очисти мя, грешнаго, и помилуй мя, и творит три поясных поклона.
Диакон одновременно также тайно молится: Боже, очисти мя, грешнаго.., и также делает трижды поклонение.

Далее священник закрывает царские врата завесой.

Комментарии

Алтарь во время причащения священнослужителей становится подобием Сионской горницы, в которой апостолы наедине со своим Учителем приняли причастие из рук Его Самого, а потому северные и южные двери алтаря и алтарная завеса в это время закрываются.

Диакон:

Вонмем.

Священник:

Святая святым

Хор:

Един Свят, един Господь Иисус Христос, во славу Бога Отца. Аминь