Wc71cb83f0d624.htm

Диакон:

Великаго Господина и Отца нашего Алексия, Святейшаго Патриарха Московскаго и всея Руси, и Господина нашего Преосвященнейшаго (имя рек епархиального архиерея) митрополита (или: архиепископа, или: епископа) (титул епархиального архиерея), да помянет Господь Бог во Царствии Своем всегда, ныне и присно, и во веки веков.

Священник:

Всех вас, православных христиан, да помянет Господь Бог во Царствии Своем всегда, ныне и присно, и во веки веков.

Хор:

Аминь. Яко да Царя всех подымем, ангельскими невидимо дароносимо чинми. Аллилуиа, аллилуиа, аллилуиа.

Диакон:

Исполним молитву нашу Господеви.

Богослужебные действия

Диакон, выйдя северными дверьми на солею и став на обычном месте, произносит просительную ектению.
Во время просительной ектений священник тайно читает молитву приношения, которая по сходству с проскомидийной молитвой называется "Молитвой проскомидии" и разнится от нее лишь тем, что относится к Честным Дарам, окончательно приготовленным для Святой Евхаристии.
На литургии св. Иоанна Златоуста:
Господи Боже Вседержителю, Едине Святе, приемляй жертву хваления от призывающих Тя всем сердцем! Приими и нас, грешных, моления, и принеси ко Святому Твоему Жертвеннику, и удовли нас приносити Тебе дары же и жертвы духовныя о наших гресех и людских неведениих, и сподоби нас обрести благодать пред Тобою, еже быти Тебе благоприятней жертве нашей и вселитися Духу благодати Твоея Благому в нас, и на предлежащих Дарех сих, и на всех людех Твоих.
На литургии св. Василия Великого:
Господи Боже наш, создавый нас и введый в жизнь сию, показавый нам пути во спасение, даровавый нам Небесных тайн откровение! Ты бо еси положивый нас в службу сию силою Духа Твоего Святаго.
Благоволи убо, Господи, быти нам служителем (дат. мн. ч.) Новаго Твоего Завета, слугам (дат. мн. ч.) Святых Твоих Таинств; приими нас, приближающихся святому Твоему Жертвеннику, по множеству милости Твоея, да будем достойны приносити Тебе словесную сию и Безкровную Жертву о наших согрешениих и о людских невежествиих, юже прием во святый, и пренебесный, и мысленной Твой Жертвенник в воню благоухания, возниспосли нам благодать Святаго Твоего Духа.
Призри на ны, Боже, и виждь службу сию нашу, и приими ю, якоже приял еси Авелевы дары, Ноевы жертвы, Авраамова всеплодия, Моисеева и Аарбнова священства, Самуилова мирная. Якоже приял еси от святых Твоих апостол истинную сию службу, сице и от рук нас, грешных, приими Дары сия по благости Твоей, Господи, яко да, сподобльшеся служити без порока святому Твоему Жертвеннику, обрящем мзду верных и мудрых строителей в день страшный воздаяния Твоего праведнаго.
В просительной ектений есть прошение, прибавляемое только в этой части литургии: "О предложенных Честных Дарех Господу помолимся", то есть, чтобы Господь милостиво их принял от нас и освятил силою Святаго Духа. В тайной молитве приношения, читаемой в это же время, священник просит, чтобы Господь удостоил его принести Честные Дары в жертву духовную и ниспослал на них и на всех верующих благодать Святаго Духа, в силу Своих щедрот и милосердия.

Хор:

Господи помилуй.

Диакон:

О предложенных Честных Дарех Господу помолимся.

Хор:

Господи, помилуй.

Диакон:

О святем храме сем и с верою, благоговением и страхом Божиим входящих в онь Господу помолимся.

Хор:

Господи, помилуй.

Диакон:

О избавитися нам от всякия скорби, гнева и нужды Господу помолимся.

Хор:

Господи, помилуй.

Диакон:

Заступи, спаси, помилуй и сохрани нас, Боже, Твоею благодатию.

Хор:

Господи, помилуй.

Диакон:

Дне всего совершенна, свята, мирна и безгрешна у Господа просим.

Хор:

Подай, Господи.

Диакон:

Ангела мирна, верна наставника, хранителя душ и телес наших у Господа просим.

Хор:

Подай, Господи.

Диакон:

Прощения и оставления грехов и прегрешений наших у Господа просим.

Хор:

Подай, Господи.

Диакон:

Добрых и полезных душам нашым и мира мирови у Господа просим.

Хор:

Подай, Господи.

Диакон:

Прочее время живота нашего в мире и покаянии скончати у Господа просим.

Хор:

Подай, Господи.

Диакон:

Христианския кончины живота нашего, безболезненны, непостыдны, мирны, и добраго ответа на Страшнем судищи Христове просим.

Хор:

Подай, Господи.

Диакон:

Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга, и весь живот наш Христу Богу предадим.

Хор:

Тебе, Господи.

Священник:

Щедротами Единороднаго Сына Твоего, с Нимже благословен еси, со Пресвятым и Благим и Животворящим Твоим Духом, ныне и присно, и во веки веков.

Хор:

Аминь.

Священник:

Мир всем.

Хор:

И духови твоему.

Диакон:

Возлюбим друг друга, да единомыслием исповемы.

Хор:

Отца, и Сына, и Святого Духа, Троицу Единосущную и Нераздельную.

Диакон:

Двери, двери, премудрость вонмем.

Символ веры:

Верую во Единого Бога Отца Вседержителя, Творца неба и земли, видимым же всем и невидимым. И во Единого Господа Иисуса Христа, Сына Божия, Единородного, Иже от Отца рожденного прежде всех век. Света от света, Бога истинна от Бога истинна, рожденна не сотворенна, единосущна Отцу, Имже вся быша. Нас ради, человек, и нашего ради спасения сшедшего с небес, и воплотившагося от Духа Свята и Марии Девы, и вочеловечшася. Распятого же за ны при Понтийском Пилате, И страдавша, и погребена. И воскресшаго в третий день по писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святого, Господа Животворящаго , Иже от Отца исходящаго, Иже со Отцем и Сыном споклоняема с сславима, глаголовшаго пророки. Во единую Святую Соборную и Апостольскую Церковь. Исповедаю едино крещение во оставление грехов. Чаю воскресение мертвых, и жизни будущаго века. Аминь.