БОГОСЛУЖЕНИЕ БОГОСЛУЖЕБНЫЕ ПЕСНОПЕНИЯ СТАТЬИ ФОТО И ВИДЕО ЗАДАТЬ ВОПРОС ССЫЛКИ

Малая ектения
Диакон:	Паки и паки миром Господу помолимся.
Хор:	Господи, помилуй.
Диакон:	Заступи, спаси, помилуй и сохрани нас, Боже, Твоею благодатию.
Хор:	Господи, помилуй.
Диакон:	Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе, и друг друга, и весь живот наш Христу Богу предадим.
Хор:	Тебе, Господи.
Священник:	Яко Твоя держава, и Твое есть Царство, и сила, и слава, Отца и Сына и Святаго Духа, ныне и присно и во веки веков.
Хор:	Аминь.
"Господи, воззвах"
Хор:	Господи, воззвах к Тебе, услыши мя. Услыши мя, Господи. Господи, воззвах к Тебе, услыши мя: вонми гласу моления моего, внегда воззвати ми к Тебе. Услыши мя, Господи. Да исправится молитва моя, яко кадило пред Тобою, воздеяние руку моею, жертва вечерняя. Услыши мя. Господи.
Поются стихи псалмов
Хор:	1. Положи, Господи, хранение устом моим и дверь ограждения о устнех моих. 2. Не уклони сердце мое в словеса лукавствия, непщевати вины о гресех. 3. С человеки делающими беззаконие, и не сочтуся со избранными их. 4. Накажет мя праведник милостию и обличит мя: елей же грешнаго да не намастит главы моея. 5. Яко еще и молитва моя во благоволениих их, пожерты быша при камени судии их. 6. Услышатся глаголи мои, яко возмогоша: яко толща земли проседеся на земли, расточишася кости их при аде. 7. Яко к Тебе, Господи, Господи, очи мои, на Тя уповах, не отыми душу мою. 8. Сохрани мя от сети, юже составиша ми, и от соблазн делающих беззаконие. 9. Падут во мрежу свою грешницы: един есмь аз, дондеже прейду.
Хор:	1. Гласом моим ко Господу воззвах, гласом моим ко Господу по-молихся. 2. Пролию пред Ним моление мое, печаль мою пред Ним возвещу. 3. Внегда исчезати от мене духу моему, и Ты познал еси стези o моя. 4. На пути сем, по немуже хождах, скрыша сеть мне. 5. Смотрях одесную и возглядах, и не бе знаяй мене. 6. Погибе бегство от мене, и несть взыскаяй душу мою. 7. Воззвах к Тебе, Господи, рех: Ты еси упование мое, часть моя еси на земли живых. 8. Вонми молению моему, яко смирихся зело: избави мя от гонящих мя, яко укрепишася паче мене.
Русский текст Голосом моим ко Господу воззвал я, голосом моим ко Господу помолился. Излил пред Ним моление мое; печаль мою открыл Ему. Когда изнемогал во мне дух мой. Ты знал стезю мою. На пути, которым я ходил, они скрытно поставили сети для меня. Смотрю на правую сторону и вижу, что никто не признает меня. Не стало для меня убежища, никто не заботится о душе моей. Я воззвал к Тебе, Господи, я сказал: Ты-прибежище мое и часть моя на земле живых. Внемли воплю моему, ибо я очень изнемог; избавь меня от гонителей моих, ибо они сильнее меня.(Псалом 141-й.)