|
Акафист
Кондак 1
Взбранной Воеводе, Покров земли Русския и Оружие
Непобедимое, яко избавльшеся от злых светом
Трисолнечным благодати Твоея, благодарственное
восписуем Ти, раби Твои, Богородице
Всемилостивая, но яко имущая Державу Непобедимую,
заступи, спаси, воскреси Державу Российскую, да
зовем Ти: Радуйся, Скорбящая Мати, за Державу
Российскую слезы проливающая.
Икос 1
Вышши еси всех Ангел и Архангел и всея твари
Честнейшая, Богоизбранная Невесто,
благоизволила еси в сие тяжкое предантихристово
время дати икону Твою Чудотворную, да не погибнем
люте без покаяния, но велегласно возопием:
Радуйся, Пресветлая Мати, за Державу Российскую
неизреченно скорбящая;
Радуйся, Жено, облеченная в Солнце, на главе Ея
венец из двенадцати звезд, Ея же Святый Иоанне
Богослове созерцающе;
Радуйся, до времени на луну, яко символ власти
Царской на земле не опирающаяся;
Радуйся, в Свои Пречистыя руце бремя Державной
власти в России принимающая;
Радуйся, для нового Царя Державу Российскую
верно сохраняющая;
Радуйся, православного Государя Российскаго
Державною короною венчающая;
Радуйся, православному Царю Российскому "Скипетр
железный" вручающая;
Радуйся, Непобедимое Оружие Ему от Господа над
антихристом пред Страшным Судом дарующая;
Радуйся, Скорбящая Мати, за Державу Российскую
слезы проливающая.
Кондак 2
Видящи покаянныя моления и слезы приносящаго,
изволила еси даровати образ Свой Чудотворный и
вразумила о названии его. После сего, услышав
повеление Пречистой Госпожи Богородицы
Владычицы о написании иконы, Сергие слезящи, руце
простирая, умильно возопие: Аллилуия.
Икос 2
Разум чистый даровала ему, яко Образу сему над
иконою Святых Царственных мучеников и
страстотерпцев находиться подобает, ибо
Державную власть над Россией со смирением и
скорбью приняла Владычице мира. На сие Ангелы,
одевающии поверх Всецарственной короны
Державную корону на Пречистую Главу Твою указуют,
да воспоем Ти сицевая:
Радуйся, над Российскою землею Покров Свой
простирающая;
Радуйся, Российскую землю, яко последний Удел
Свой, сугубо сохраняющая;
Радуйся, Святую Семью Царскую нам в пример жизни
по Бозе и мученической кончине за Христа
поставляющая;
Радуйся, через тяжкие скорби и испытания Россию к
великой славе приводящая;
Радуйся, светом райским нас на земли сокровенно
озаряющая;
Радуйся, Ея же и весь мир недостоин, молитвами и
слезами нас омывающая,
Радуйся, к познанию Сына Своего приводящая и
крилами риз Cвоих укрывающая;
Радуйся, Скорбящая Мати, за Державу Российскую
слезы проливающая.
Кондак 3
Сила Вышняго, хранящи икону Твою, Богомати,
осенила еси чертог раба Твоего преизобильною
благодатию, и Святии Божии незримо подходящи,
лобызали новоявленный Образ Твой, елеем
умащенный от множества Чудотворных икон Божией
Матери и Святынь, благоухание преизобильно
источающий, и мы вслед им возопием: Аллилуиа.
Икос 3
Имущи сокровище иконы Твоея, Пречистая Госпоже,
поставлена была в чертоге раба Твоего и отгнала
еси клевреты вражии, мы же, прославляя Матерь
Божию, тако поем:
Радуйся, благодатию Духа Святаго Образ Твой
наполняющая;
Радуйся, со слезами за Россию, пред Престолом
Божиим предстоящая,
Радуйся, за покаяние гнев Божий от нас отводящая;
Радуйся, отвергнуться себя, взять Крест свой и
следовать за Христом научающая;
Радуйся, презирати плоть ради спасения души
наставляющая;
Радуйся, чистоту Евангельскую и жизнь по вере нам
усвояющая;
Радуйся, сердца наша добре и милосердне
устрояющая и покаянием двери райския
отверзающая;
Радуйся, Скорбящая Мати, за Державу Российскую
слезы проливающая.
Кондак 4
Бури искушений и бед избави нас, Владычице
Премилостивая. Во дни нестроений явилася икона
Твоя, Пресвятая Дево, на воздусе благочестивой
девице, и от Образа Твоего лучи видящи, разумев,
яко сии, Непобедимому Оружию подобно, бесов
множество внизу попаляюще и уничтожающе. Вернии
же, услышав чудо сие, пояху Матери Божией:
Аллилуиа.
Икос 4
Видяще Твое против полчищ сатанинских
дерзновение, Ангелы с радостию подвигошася на
заступление людей царелюбивых и отвергнувших
печать антихриста, да укрепятся в стоянии за
Христа и Помазанника Его даже до смерти, и
молятся Ти любовию тако:
Радуйся, крепости Божественныя исполненная и нас
сею крепостию наполняющая;
Радуйся, яко солнце незаходимое сияющая,
Радуйся, лучами благодати Божией души очищающая
и бесов испепеляющая;
Радуйся, буйству Евангельскому нас научающая;
Радуйся, о скоротечности времени и безумии жизни
для мира сего нам возвещающая;
Радуйся, стяжания Духа Святого и безстрастия, яко
цель жизни по Бозе нам поставляющая;
Радуйся, молитвами ко Господу и послушанием
радостным, нас спасающая;
Радуйся, Скорбящая Мати, за Державу Российскую
слезы проливающая.
Кондак 5
Боготечную звезду, мироточивую икону Святаго
Царя Николая, узревши отроцы христианскии, и от
скорых чудес и исцелений от нея подаваемых
Господом, ревностию по славе Святых Царственных
мучеников и страстотерпцев воспламенишася, от
дел рук своих послужиша к написанию Образа
Чудотворнаго Святой Царской Семьи и воспели в
веселии Богу: Аллилуиа.
Икос 5
Видящи и слышащи чистоту помыслов отроков
христианских, Пречистая Госпоже Богородица дску
при освящении для будущей иконы даром чудес от
Господа обогати. Служащий инок от астмы исцелися,
и все, бывшие при сем, хвалу воздали
Преблагословенней таковую:
Радуйся, всех царелюбивых людей скорое
вспоможение;
Радуйся, недугов душевных и телесных чудное
уврачевание;
Радуйся, очищение и исправление нам подающая;
Радуйся, целомудренных отроков и отроковиц
материнским благословением не оставляющая;
Радуйся, помыслами чистейшими нас в жертву
угодную Господу приносящая;
Радуйся, уста наша благодарением Господу за все
исполняющая;
Радуйся, для православного Царя Державу
Российскую верно сохраняющая;
Радуйся России Заступница, благодатию нас
прикрывающая;
Радуйся, Скорбящая Мати, за Державу Российскую
слезы проливающая.
Кондак 6
Проповедь любви, кротости и всепрощения мирови
возвещающая со Христом, Сыном Твоим, вся горести
земныя претерпевшая, Апостола Иоанна и с ним весь
род христианский Своему материнскому сердцу
усыновившая, Приснодево Пренепорочная, не
отвратись и нас, во тьме изгнания сущих и
утешения материнскаго чающих, да со
благодарением Господу зовем: Аллилуиа.
Икос 6
Возсиявшая всей Вселенней, яко дивный Ковчеже
Духа, преисполненный Божественныя славы и
благодати, О Дево, Владычице, Пресвятая Госпоже,
Мати Пречистая! Возсияй и нам путеводною звездою
в мраце скорбных дней наших. Возвесели сердца, во
уныние поверженныя, просвети умы, тьмою отчаяния
объятые, возстави силы на чужбине иссякающия,
умножи веру, укрепи надежду нашу, согрей любовью
милосердия ожесточенныя и озлобленныя души, да
зряще Тя на Образе, нам внемлющую, молитвенно
Тебе зовем:
Радуйся, Мати, в скорбях укрывающая и от отчаяния
нас изымающая;
Радуйся, несравненное счастье быть Сосудом,
Жилищем и Орудием Духа Божия на земли Собою
являющая;
Радуйся, покаяние слезное принимающая и к Сыну
Своему возводящая;
Радуйся, надеющимся на Тебя непостыдный конец
дарующая;
Радуйся, Помощнице и Заступнице наша, от пленения,
напрасныя смерти и нападений вражьих
избавляющая;
Радуйся, нас дерзновением пред Богом и ревностию
по славе Божией исполняющая;
Радуйся, Скорбящая Мати, за Державу Российскую
слезы проливающая.
Кондак 7
Хотяй Владыка всяческих показати, яко жребии
сынов человеческих не самослучайнии суть, но в
деснице Его выну содержатся, даде Святых
Царственных мучеников и страстотерпцев Царствам
земным заступников и хранителей, да народы к
Царствию Божию уготовляют, сего ради вси, ведущии
о велицем служении Их ко спасению человеческому,
благодарне зовут Богу: Аллилуиа.
Икос 7
Новая чудеса показала еси, Всемилостивая Царице,
егда нимб над главою Святаго Государя засветися
и трикратно слова: """"""Скажи об
Апокалипсисе"" мужеский глас твердо
произнесе, "сие видя и слыша, иконописица
крестныя знамения усердно сотворив, возопи с
верою:
Радуйся, сугубую любовь Твою к Святым
Царственным мученикам и страстотерпцам являющая;
Радуйся, кротчайшаго Святаго Царя со Святою
Царицею и непорочная чада Их любовию Христу
венчающая;
Радуйся, яко молитвы Их за Отечество наше и
всякую скорбящую душу христианскую скоро
приемлющая;
Радуйся, прошения Их за солдат и солдатские семьи,
скоро исполняющая%%%%;
Радуйся, Святаго Царя Николая, по достоинству
Царскому от Господа прославляющая;
Радуйся, о Близости Страшного Суда чрез Святаго
Царя трикратно предупреждающая;
Радуйся, Святую Семью Царскую, непорочной
утверждающая;
Радуйся, Скорбящая Мати, за Державу Российскую
слезы проливающая.
Кондак 8
Странные чудеса и преславные явися на иконе
Святой Царственной Семьи, егда Образы стали
Духом Святым наполнятися и преображатися, а вапы
изменятися, то свечи, зажженыя в праздник
Богоявления Господня у Образов, все седмь, ко
святым изображениям поклонишася, а Святаго Царя
и Святой Царицы свечи, во единую сливаясь,
подолгу догораша. Посему Святии Царственнии
мученицы и страстотерпцы шаг вперед с иконы
сотвориша и назад приступиша, как бы
приветствовали припадающих, и научили
возглашати: Аллилуиа.
Икос 8
Вся еси в Вышних, Пречистая Владычице, Престолу
Царя Славы предстоиши, не далеко еси от нижних,
ратуя против врагов спасения рода человеческаго:
темже вси вожделеннаго Отечества Небеснаго
достигнути хотящии согласно Тебе зовут:
Радуйся, против врагов во всеоружие Божие нас,
яко воинов, облекающая;
Радуйся, премудростию Божественной нас
исполняющая,
Радуйся, до смерти за Отца и Сына и Святаго Духа в
исповедании стоять укрепляющая;
Радуйся, свитками в руках у Святаго Царевича
Алексия и Святой Царевны Анастасии о покаянии за
грехи тяжкие и о скором конце мира всех
предупреждающая;
Радуйся, Святаго Царя Николая и Святых
Царственных мучеников и страстотерпцев во
одеждах белых, яко Агнцев Непорочных, показующая;
Радуйся, Голубица Рая Небеснаго, и Царевен, яко
Голубиц, Царю Христу приводящая;
Радуйся, молитвами преподобнаго Серафима
Саровскаго и праведнаго Иова Многострадального
Святых Царственных мучеников и страстотерпцев
прославляющая;
Радуйся, Скорбящая Мати, за Державу Российскую
слезы проливающая.
Кондак 9
Вси, бывшии во храме Божием в день памяти Святой
Царственной Семьи, в радостный трепет приидоша,
видящи чудо мироточения копии иконы Владычицы
нашей, на аналои лежащей, и струи мира, стекавшии
к Святым Царственным Детям, благоухание издавали
предивное, богобоязненнии христиане свои иконы к
чудотворному образу приложиша, с Крестным ходом
воспели хвалебную песнь Богу: Аллилуиа.
Икос 9
Ветии глаголов и любомудров смыслы не довлеют ко
изглаголанию силы Твоея, Госпоже Богородице,
како Образ Твой и Лики Святых Царственных
мучеников и страстотерпцев покаянныя чувства,
слезы и исповедание грехов у молящихся вызывают
и мы же со смирением взываем Ти сице:
Радуйся, яко благочестивии и безхитростнии
явлению иконы Твоея сорадуются и умиленные слезы
проливают;
Радуйся, Всеблагая, горькие слезы от всякого лица
отъемлющая;
Радуйся, Светлая Обитель странников и бездомных;
Радуйся, в сие тяжкое время терпением скорбей,
клевет и напраслин нас спасающая;
Радуйся, молящихся со слезами за врагов своих ко
Господу, усыновляющая%;
Радуйся, молящихся чистым сердцем, причастниками
Креста Христова сотворяющая;
Радуйся, Скорбящая Дево, Своими слезами ко
Господу от тьмы греха и порока нас отводящая;
Радуйся, Госпоже Всечестная, простоту, смирение и
чистоту в нас скоро видеть хотящая;
Радуйся, Скорбящая Мати, за Державу Российскую
слезы проливающая.
Кондак 10
Спастися хотящим буди помощница тверда,
Богородице Приснодево, спасаяй нас от суетности
привременной жизни, от бед и напастей, паче же от
злых навыков и грехов наших, да воспоем в вере,
надежде и любви Христове с радостию о предивнем
заступлении Твоем ко Господу Ангелов и человеков
благодарне зовем Ти: Аллилуиа.
Икос 10
Стена еси христианам спасающимся, Мати Пресвятая,
и столп крепок во бранех со врагами видимыми и
невидимыми, сего ради от сетей бесовских Тобою
избавляеми, благодарным сердцем и усты зовем Ти
сице:
Радуйся, Мати, от погибели временной и вечной
исхищающая;
Радуйся, от оружия, глада, меча и напрасныя смерти
сохраняющая;
Радуйся, трезвению духовному и молитве сердечней
на всякое время нас научающая;
Радуйся, любовь Твою и помощь скоро простирающая;
Радуйся, от печати антихристовой спасающая и под
Всемощный Покров Свой укрывающая;
Радуйся, Взбранная Воевода и Сила Несокрушимая,
на всякое время моления нашего не отвергающая;
Радуйся, от Сына Твоего глаголы:" ""Аще
покаются ныне, благодать будет, яко в Лавре
Почаевской""", - передающая;
Радуйся, Скорбящая Мати, за Державу Российскую
слезы проливающая.
Кондак 11
Пение всякое хвалебное приносим множеству чудес
Твоих, Благодатная Дево, егда от маленьких копий
Образа Твоего исцеления, чудотворения и
мироточения происходят, бесов же многоплачевно
поражаеши явлением Пречистаго Лика Твоего, так
что одержимые нечистыми духами взгляд отводят и
руками коснуться не дерзают. Чистотою же
исполненнии и праведнии, сердцем благодарным
приступают и с любовию и слезами целующи икону
Твою, умиленно взывают Царице Всеблагой:
Аллилуиа.
Икос 11
Пречистая и Преблагословенная Царице Небеси и
земли даровала милость Свою, егда копия иконы
Твоея посетила Святую Гору Афон и на вышнюю ея
точку вознесена была и старца дивнаго затворника
явила по молитве, о сей же возвестил пророчество,
научая всех пети тако:
Радуйся, при созерцании Образа Твоего в чертог
Небесный восхищающая;
Радуйся, чудеса благоухания, мироточений и
исцелений от Образа Своего являющая;
Радуйся, непрестанно воспевать Тя научающая;
Радуйся, безхитростным и благочестивым икону
Свою дарующая;
Радуйся, яко враги веры и благочестия Образа
Твоего трепещут;
Радуйся, яко старцы и люди боголюбивии от
созерцания Образа Твоего во умиление приходят и
молитвы обильныя изливают;
Радуйся, Скорбящая Мати, за Державу Российскую
слезы проливающая.
Кондак 12
Благодать от Бога испроси всем, поющим во славу
иконы Твоея, Госпоже Премилосердная, да осеняеми
Твоим заступлением во всяком благочестии и
чистоте поживем, дондеже разрешившись смертию от
уз плоти, сподобимся предстати Огнезрачному
Престолу Царя Славы и с лики Ангельскими
возопити: Аллилуиа.
Икос 12
Поющие многобразныя Твоя чудеса, Владычице
Богородице, во спасение рода человеческого
содеянныя, молим Господа и Владыку всяческих, да
подаст нам Духа кротости ко славе Божией
работати и сердце милующее, иже в Тебе, николиже
оскудеет и во всех, зовущих Ти сице:
Радуйся, Солнце Огнезрачное родшая;
Радуйся, Вместилище Света Незаходимого;
Радуйся, на всякое время Милующая;
Радуйся, заступающихся за нищих, вдов и сирот и
нас Своим заступлением не оставляющая;
Радуйся, души наша в покаянии воскрешающая и
ревностию по Бозе устрояющая;
Радуйся, непрестанно взывающих к Тебе, от горьких
мытарств избавляющая,
Радуйся, на врага победу дарующая;
Радуйся, Скорбящая Мати, за Державу Российскую
слезы проливающая.
Кондак 13
О, Скорбящая Мати, Пречистая Госпоже, Дево
Богородице, Премилосердная Владычице, рыдания
Твоя за ны к Сыну Своему возносиши и душею
сраспинаешися Христу за грехи наша, не отврати
Лице Твое от нас в слезах простершихся пред Тобою
и на милосердие Твое дерзающе, но заступи, спаси,
избави, изцели нас, Госпоже Пречистая, к Тебе
умильно взываем: Аллилуиа.
(Читаем трижды сей кондак, затем снова 1-й икос и 1-й
кондак).
Молитва ко Пресвятей Богородице
О, Всемилостивая Госпоже Богородице, Пресвятая
Царице, Дево Всечестная, Скорбящая за Державу
Российскую Мати! Со смирением благодарим Тя о
великих безчисленных благодеяниях во спасение
рода человеческаго людем Российским от Тебе
бывших. Пред Пречистым Образом Твоим с
постоянством и неотступностию молим Тя:
Грядущаго Благочестивейшаго Государя
Российскаго Всемощным Своим Покровом покрый и
Непобедимое Оружие Ему на врагов даруй. Сохрани
Российскую землю от глада, губительства, труса,
потопа, огня, меча, нашествия иноплеменных и
междоусобныя брани. Помяни, Владычице, Пресвятая
Госпоже Богородице, весь священнический и
монашеский чин, согрей сердца их пламенной
ревностию по Бозе, достойно звания своего ходити
коегождо укрепи, Престолы и людей от печати
антихристовой избави и новому Государю
Российскому верно служити сподоби. Спаси,
Пречистая, Неизреченно Скорбящая Мати, и вся рабы
Твоя и даруй путь земнаго поприща без порока
прейти, и возсияй светом святаго милосердия
Твоего. Души наша ослепшие просвети, да узрев
бездну падения возлюбим Сына Твоего и ближнего
своего, и отвергнувшись себе, возьмем Крест свой
и пойдем к свету Истины, просвещающей мир.
Сокруши силу зла и пролей в умы наша луч разума
Христова, да Тобою спасаемыя зде Отечество, а по
смерти рай обрящем и Триединому Богу хвалу,
благодарение и поклонение возсылаем, ныне и
присно, и во веки веков. Аминь.
Пресвятая Богородице, спаси нас!
Подай, Господи, молитвами Царицы Небесной,
Утешение страждущей Родине!
Тропарь, глас 1
Скорбящая за Державу Российскую Мати,
непрестанно слезы изливаеши за ны, молися
избавитися от всякия скверны душам нашим.
Тропарь, глас 2
За Державу Российскую Скорбящая Мати, к Тебе
умильно взываем, озаряеми Твоим Светозарным
Образом, к нему в сокрушении о гресех со слезами
вопием: ""Сердца наша в покаянии воскреси и к
Страшному Суду уготови, Всемилостивая Владычице
наша"".
Кондак, глас 3
Дева днесь в Солнце облеченная сияет и за Державу
Российскую со Святой Царской Семьей слезящи
молится Богу: Ангели Державною короною венчают,
Святии Царственнии мученицы и страстотерпцы о
Страшном Суде предвозвещают: нас бо ради молит
Преблагословенная Всеблаженнаго Бога.
Основа акафиста записана одной рабой
Божией, никогда не писавшей акафистов, после
видения Святой старицы Матроны Московской, с ее
помощью, в три ночи, со дня празднования иконы "Всех
скорбящих Радость" (6.11.2001 г.), в день
преподобного Иова Почаевского (10.11.2001 г.). Во время
написания акафиста чудесно благоухали копии
Чудотворного Образа "Портрет Святого Царя
Николая II работы В.Серова" и Стопочка Матери
Божией из Почаева. Также был твердый мужской
голос: "Кто сейчас будет каяться, благодать,
как в Почаеве будет". Во время написания
акафиста было видение Святого Царя Николая и
Святой Царицы Александры. Они в тихой радости
говорили о новом Наследнике Российского
Престола, Который должен вскоре придти.
|
|
